१३ असोज , काठमाडौं । जोइन बचत तथा ऋण सहकारी संस्था लिमिटेडले आफ्नो चौधौं वार्षिक साधारणसभा सम्पन्न गरेको छ । संस्थाका अध्यक्ष बाबुलाल श्रेष्ठको अध्यक्षता र बागमती प्रदेशका संस्कृति ,पर्यटन तथा सहकारी मन्त्री बिमल ठकुरीको प्रमुख आतिथ्यमा यही असोज १२ गते शनिबार संस्थाको साधारणसभा सम्पन्न भएको हो।
साधारणसभाले संस्थाको आर्थिक वर्ष २०८०/८१ को वार्षिक प्रगति प्रतिवेदन छलफल र सुझावसहित पारित गरेको छ। समिक्षा आर्थिक वर्षको वासलात , लेखा र सुपरिवेक्षण प्रतिवेदन , नाफानोक्सान हिसाब लगायतका आर्थिक प्रतिवेदन पनि सभाबाट पारित भए।
सभाले चालू आर्थिक वर्ष २०८०/०८१ को वार्षिक कार्यक्रम , बजेट , लेखापरीक्षकको नियुक्ति लगायतलाई स्वीकृत गरेको छ।
साधारणसभामा सहकारीका अध्यक्ष श्रेष्ठले संस्थालाई सुदृढ , गतिशील तथा आत्मनिर्भर बनाई सदस्यहरुको हितमा लागिपरेको बताए । सहकारीमा विभिन्न कार्यक्रम संचालन गर्न र सदस्यहरुलाई कर्जा लगानी सरल र सहज रुपले उपलब्ध गराउन नियमित बचत, ऐच्छिक बचत, तथा संस्थाको शेयर पूँजी थप वृद्धि गर्न प्रयत्नशील रहेको बताए।
समीक्षा आर्थिक वर्ष २०८०/८१ मा यस सहकारीको शेयर पूँजी रु१,७३,११,०००/- पुगेको छ , अघिल्लो आर्थिक वर्षको तुलनामा रु ३५,७०,०००/- को वृद्धि हो। संस्थाको कुल वासलात रु ५,९४,६९,३१७/३९ कायम भएको छ। संस्थाको जगेडा कोषमा रु. १५,६८,९९३/५० र सामाजिक तथा अन्य कोष रु. १८,७३,९०६/६३ रहेको छ। संस्थाको संचालन मुनाफा रु. १४,७०,०७६/६३ रहेको छ।
The post जोइन बचत तथा ऋण सहकारीको चौधौं वार्षिक साधारणसभा सम्पन्न first appeared on Khabar Breaking.
