१० असोज, काठमाडौं । मदनकृष्ण श्रेष्ठ र हरिवंश आचार्यको मह सञ्चारले कात्तिक २९ गतेदेखि महजात्रा आयोजना गर्ने भएको छ । बिहीबार काठमाडौंमा पत्रकार सम्मेलन गर्दै मह सञ्चारले उक्त कुराको जानकारी दिएको हो । महजात्रा मह सञ्चा र सुश्री मिडिया प्रालिको सहकार्यमा कात्तिक २९ गतेदेखि प्रज्ञा प्रतिष्ठानमा हुने र त्यसपछि देशव्यापीरुपमा मह जात्रा आयोजना हुने बताइएको छ ।
नेपालमा दश बर्षपछि मिरा फाउण्डेशन र मानव सेवा आश्रमको सहयोगार्थ पुनः एकपटक महजात्रा नामक प्रहसन हुन लागेको हो । हाँस्य व्यङग्यको माध्यमबाट समाजमा रहेका समसामयिक समस्याहरु र विविध पक्षहरुलाई उजागर गर्ने उद्देश्यका साथ मह जात्रा आयोजना गरिएको वरिष्ठ हास्य कलाकार हरिवंश आचार्यले बताए ।
त्यस्तै, वरिष्ठ हास्य कलाकार मदनकृष्ण श्रेष्ठले निष्पक्षमा रुपमा समाजमा देखिएका बिषयहरुलाई हाँस्य व्यङ्ग्यमार्फत उजागर गर्ने बताए । महजात्रा प्रहशनमा ख्यातीप्राप्त हास्य कलाकारहरु किरण केसी, राजाराम पौडेल, शिवहरी पौडेल लगाएतको समेत प्रस्तुति रहने महसञ्चारले जनाएको छ ।
The post कात्तिक २९ देखि ‘महजात्रा’ आयोजना first appeared on Khabar Breaking.
