२८ चैत , काठमाडौँ । प्रधानमन्त्री पुष्पकमल दाहालले सन २०३० सम्म दिगो विकासको लक्ष्य भेट्टाउन सरकार र निजी क्षेत्रको समन्वयमा लगानी गर्नु पर्ने बताएका छन् । उद्योग वाणिज्य महासङ्घको ५८औँ वार्षिकोत्सवमा सम्बोधन गर्दै सन २०२६ मा विकासशील राष्ट्रको सूचीमा स्तरोन्नति हुनका लागि समेत सरकार र निजी क्षेत्र मिलेर लगानी गर्नुको विकल्प नरहेको प्रधानमन्त्री प्रचण्डको भनाई छ ।
महासंघको आज सम्पन्न हुँदै गरेको वार्षिकोत्सबको उद्घाटनमा प्रधानमन्त्री दाहालले यस्तै लगानीको वातावरण सुधार गर्नका लागि बैशाखमा सरकारले लगानी सम्मेलन आयोजना गर्न लागेको बताए । लगानी सम्मेलनमार्फत स्वदेशी र विदेशी लगानीकर्तालाई लगानीका लागि आकर्षण गर्न एकै पटक १२ वटा कानुन संशोधन गर्न लागेको उनको भनाई छ ।
दाहालले सम्भव भएमा सांसदबाट र नभए अध्यादेशमार्फत नै कानुनी व्यवस्था सुधार गरेर लगानीको ढोका खोल्नतर्फ ध्यान केन्द्रित गरेको बताएका छन् । यसो हुँदा उद्योगी व्यवसायीको मनोबल थप बढ्ने र विदेशी लगानीकर्ता समेत आकर्षित बनेर लगानी बढ्ने छ ।
‘यसबाहेक , पुँजिगत खर्च बढाउँदै निजी क्षेत्रको मनोबल बढाउनमा सरकार सम्पूर्ण ध्यान केन्द्रित गरेको छ’, प्रधानमन्त्री दाहालले भने, ‘निजी क्षेत्रसँग समन्वय गरेर लगानी बिस्तार गर्न सर्कार तयार छ ।’ यस्तै महासङ्घले सरकार समक्ष राखेको अपेक्षा पुर गर्नतर्फ लाग्ने दाहालको भनाई छ ।
कार्यक्रममा नेपाल उद्योग वाणिज्य महासंघका अध्यक्ष चन्द्रप्रसाद ढकालले निजी क्षेत्रले निर्वाध काम गर्न नपाउँदा मुलुकको आर्थिक वृद्धिदर खस्किएको बताएका छन् । पछिल्लो दुई वर्षमा न्युन आर्थिक वृद्धि हुनुको कारण निजी क्षेत्रले काम गर्न नपाउँनुको परिणाम रहेको अध्यक्ष ढकालले दाबी गरे।
अध्यक्ष ढकालले अर्थतन्त्रमा अझै समस्या छ भन्ने तथ्यलाई स्वीकारेर मात्र निकास खोज्न सजिलो हुने बताए । ‘करिब दुई वर्षदेखि सुस्ताएको अर्थतन्त्रको रोग पहिचान गरेर त्यसको निदान नगर्दा समस्या झन् बल्झिँदै गएको हो’ उनले भने ‘निजी क्षेत्रले त रोगको पहिचान गरेरै बारम्बार औषधि सिफारिस गरेको हो । यसमा राज्यको सम्बद्ध पक्षले ध्यान दिएन ।’
The post उद्योग वाणिज्य महासङ्घको ५८औँ वार्षिकोत्सवमा प्रधानमन्त्री दाहालको सम्बोधन first appeared on Khabar Breaking.
२८ चैत , काठमाडौँ । प्रधानमन्त्री पुष्पकमल दाहालले सन २०३० सम्म दिगो विकासको लक्ष्य भेट्टाउन सरकार र निजी क्षेत्रको समन्वयमा लगानी गर्नु पर्ने बताएका छन् । उद्योग वाणिज्य महासङ्घको ५८औँ वार्षिकोत्सवमा सम्बोधन गर्दै सन २०२६ मा विकासशील राष्ट्रको सूचीमा स्तरोन्नति हुनका लागि समेत सरकार र निजी क्षेत्र मिलेर लगानी गर्नुको विकल्प नरहेको प्रधानमन्त्री प्रचण्डको भनाई छ ।
महासंघको आज सम्पन्न हुँदै गरेको वार्षिकोत्सबको उद्घाटनमा प्रधानमन्त्री दाहालले यस्तै लगानीको वातावरण सुधार गर्नका लागि बैशाखमा सरकारले लगानी सम्मेलन आयोजना गर्न लागेको बताए । लगानी सम्मेलनमार्फत स्वदेशी र विदेशी लगानीकर्तालाई लगानीका लागि आकर्षण गर्न …
The post उद्योग वाणिज्य महासङ्घको ५८औँ वार्षिकोत्सवमा प्रधानमन्त्री दाहालको सम्बोधन first appeared on Khabar Breaking.
अर्थ, मुख्य समाचार, समाचार
Khabar Breaking
