८ पुष । सोमबार शेयर बजार दोहोरो अंकले बढेको छ । केही दिन देखि लगातार घटेको नेप्से परिसूचक साताको दोस्रो दिन २८.९१ अंकले बढेर २ हजार २६१२.२० विन्दुमा बन्द भएको हो ।
सोमबार नेप्से परिसूचक बढे पनि कारोबार रकम भने घटेको छ। आज ४ अर्ब ४३ करोड रुपैयाँ बराबरको ८९ लाख ८ हजार कित्ता शेयर खरिद विक्री भएको छ । आज कारोबारमा आएका कम्पनीहरुमध्ये १९४ कम्पनीको शेयर मूल्य बढेको छ भने ४२ कम्पनीको घटेको छ । बाँकी रहेका ८ कम्पनीको शेयरमूल्य स्थिर छ ।
आज ३ कम्पनीको शेयरमूल्यमा सकारात्मक सर्किट लागेको थियो भने सर्वाधिक कारोबार जानकी फाइनान्स कम्पनीको भएको छ । कम्पनीको १८ करोड ८४ लाख रुपैयाँ बराबरको शेयर कारोबार भएको नेप्सेले जनाएको छ ।
The post सोमबार नेप्से परिसूचकमा करिब २९ अंकको वृद्धि first appeared on Khabar Breaking.
