काठमाडौं । रोटरी इन्टरनेशनल डिस्ट्रिक्ट-३२९२ ले आफ्नो स्थापनाको अवसरमा ७ जना पत्रकारलाई रोटरी पत्रकारिता अवार्ड प्रदान गरेको छ । शनिबार (१५ असार ) मा विशेष समारोहमा उक्त पुरस्कार प्रदान गरिएको हो।
उक्त रोटरी पत्रकारिता पुरस्कार अन्तर्गत स्वतन्त्र लेखनीतर्फ रामु सापकोटा, आर्थिक तथा सामुदायिक विकासमा अमर सुनार, खानेपानी तथा सरसफाइ सवालमा तिलक तिवारी, सुरक्षित मातृत्व र बाल स्वास्थ्य विषयमा बसन्तप्रताप सिंह, आधारभूत शिक्षा तथा साक्षरता तर्फ विद्या राई, रोग उपचार तथा उपचार विषयमा स्वस्तिक श्रेष्ठ र शान्ति तथा द्वन्द्व व्यवस्थापनतर्फ टंक पन्तलाई पुरस्कृत गरिएको हो । उनीहरुले जनही ५१ हजार रुपैयाँ पुरस्कार पाएका छन् ।
त्यस्तै लाफटाइम अचिभमेन्ट पुरस्कारबाट वरिष्ठ पत्रकार भैरव रिसाल सम्मानित भएका छन् । उनले १ लाख एक हजार रुपैयाँ पाएका छन् ।
The post ‘रोटरी पत्रकारिता अवार्ड’ प्रदान first appeared on Khabar Breaking.
