४ कार्तिक , काठमाडौं । साहस उर्जा लिमिटेडको संचालक समितिका अध्यक्षमा पुनः हिम प्रसाद पाठक चयन भएका छन् । आइतबार सम्पन्न कम्पनीको आर्थिक वर्ष २०८०/८१ तथा अघिल्ला वर्षको संयुक्त वार्षिक साधारणसभाले संचालकहरुको निर्विरोध निर्वाचन सम्पन्न गरेको हो।
नवनिर्वाचित संचालक समितिमा संस्थापक समुहबाट हिम प्रसाद पाठक, सुशील थापा , मुक्तिराम पाण्डे र महेन्द्र कुमार गिरी रहेका छन् । सर्वसाधारण समुहबाट गरिमा अधिकारी र आङ्गेलु शेर्पा तथा स्वतन्त्र संचालकमा विभुती ओझा चयन भए।
साधारणसभाले कम्पनीको हालको चुक्ता पुँजी रु. ३ अर्ब ५० करोडको ८% का दरले हुने रु. २८ करोड बोनस शेयर र सो को कर प्रयोजनका लागि ०.४२१% का दरले हुने रु. १,४७,३६,८४२/११ नगद लाभांश प्रदान गर्ने प्रस्ताव पारित गरेको छ।
त्यस्तै , कम्पनीको बोनस शेयर वृद्धि पश्चात् हुन आउने चुक्ता पुँजी रु. ३ अर्ब ७८ करोडको १:१ अर्थात १००% हकप्रद शेयर जारी गर्ने प्रस्ताव पनि सभाले पारित गर्यो।
सभाले आर्थिक वर्ष २०८०/०८१ को सञ्चालक समितिको वार्षिक प्रतिवेदन, लेखापरीक्षकको प्रतिवेदनसहितको २०८१ असार मसान्तको वासलात, सोही मितिमा समाप्त आर्थिक वर्ष २०८०/०८१ को नाफा–नोक्सान हिसाब तथा नगद प्रवाह विवरण र सोही अवधिको वित्तीय विवरणसँग सम्बन्धि टिप्पणीहरूसमेत पारित गरेको छ । त्यससँगै अघिल्ला आर्थिक वर्षका प्रतिवेदन समेत पारित भए।
साहस साहस उर्जा लिमिटेडले सोलुखुम्बु जिल्लाको सोलु खोला ( दुधकोशी ) मा ८६ मेगावाटको जलविद्युत आयोजना सम्पन्न गरी मिति २०७९/११/१७ देखि सफलता पूर्वक व्यवसायीक उत्पादन शुरु गरेको छ। यो निजी क्षेत्रबाट निर्मित सबैभन्दा ठुलो र देशकै तेस्रो ठुलो जलविद्युत परियोजना समेत हो।
साधारणसभामा अध्यक्ष पाठकले शेयरधनीहरुको लगानी सुरक्षा गर्न र उच्च प्रतिफल दिने कुरामा संचालक समिति प्रतिबद्ध रहेको बताए । उनले कम्पनीले अब ३४१ मेगावाटको बुढीगण्डकी अर्धजलाशय परियोजना निर्माण सम्पन्न गर्ने गरि प्रक्रिया अघि बढाउने जानकारी दिए।
The post साहस उर्जा लिमिटेडको१:१ हकप्रद शेयर पारित, अध्यक्षमा पुनः पाठक first appeared on Khabar Breaking.
