काठमाडौं । विन्ध्यावासिनी हाइड्रोपावर डेभलपमेन्ट कम्पनी लिमिटेडले आठौं वार्षिक साधारणसभा सम्पन्न गर्दै कम्पनीको चुक्ता पूँजिको ८ प्रतिशत लाभांश (कर सहित) लाभांश प्रदान गर्ने प्रस्ताव पारित गरेको छ। सभा कम्पनीका अध्यक्ष श्रीकृष्ण आचार्यको सभापतित्वमा बिहीबार (६ मंसिर ) नयाँ बानेश्वरमा सम्पन्न भएको हो।
साधारणसभाले समीक्षा आर्थिक वर्ष २०८०/८१ को कम्पनीको वासलात , नाफा नोक्सान हिसाब , नगद प्रवाह विवरण तथा लेखापरीक्षकको नियुक्ति लगायतका विषयमा संचालक समितिका सदस्यहरुबीच छलफल र सुझावसहित पारित गरेको छ।
त्यस्तै , सभाबाट कम्पनी ऐन बमोजिम संचालक समितिको संख्या संशोधित गरेर ११ जनाबाट ९ जनाको कायम गरिएको छ।
कम्पनीले लमजुङ र कास्की जिल्लामा अवस्थित दुई जलविद्युत आयोजनाहरु रुदी खोला ए ( ८.८ मेगावाट ) र रुदी खोला बी ( ६.६ मेगावाट ) बाट हाल व्यवसायीक उर्जा उत्पादन गरिरहेको छ। त्यस्तै यस कम्पनीले निर्माणाधिन ४८.८ मेगावाटको पिपुल्स इनर्जी लिमिटेड लगायत विभिन्न आयोजनामा लगानी गरेको छ।
The post विन्ध्यावासिनी हाइड्रोपावर डेभलपमेन्ट कम्पनीले प्रदान गर्यो ८% लाभांश first appeared on Khabar Breaking.
