काठमाडौं । बाबियाखर्क बचत तथा ऋण सहकारी संस्था लिमिटेडले आफ्नो २८औं वार्षिक साधारणसभा सम्पन्न गरेको छ । संस्थाले यही असोज ५ गते शनिबार बानेश्वरमा उक्त साधारणसभा सम्पन्न गरेको हो।
संस्थाका अध्यक्ष ऋषिराज घिमिरेको सभापतित्वमा सम्पन्न साधारणसभाले संस्थाको आर्थिक वर्ष २०८०/८१ को वार्षिक प्रगति प्रतिवेदन छलफल र सुझावसहित पारित गरेको छ। समिक्षा आर्थिक वर्षको वासलात , लेखा र सुपरिवेक्षण प्रतिवेदन , नाफानोक्सान हिसाब लगायतका आर्थिक प्रतिवेदन पनि सभाबाट पारित भए।
सभाले चालू आर्थिक वर्ष २०८१/८२ को वार्षिक कार्यक्रम , बजेट , लेखापरीक्षकको नियुक्ति लगायतलाई स्वीकृत गरेको छ।
समिक्षा आर्थिक वर्षमा शेयरपूँजी रु ४३,४८६,०००/- रहेको सहकारीको कूल कारोबार ४५०,२८२,२१५.४०/- रहेको छ।
कार्यक्रममा संस्थाका अध्यक्ष घिमिरेले बाबियाखर्क साकोस सहकारीको अन्तर्राष्ट्रिय मूल्य, मान्यता र सिद्धान्तलाई पालना गरी सदस्य र सामुदायिक सेवालाई हितमा राखी संचालन भइरहेको बताए । नेपाल बचत तथा ऋण केन्द्रिय सहकारी संघका पूर्वअध्यक्ष , एसियाली ऋण महासंघका समेत पूर्वअध्यक्ष र सहकारी क्षेत्र सुधार कार्यदलका विज्ञ सदस्यसमेत रहेका घिमिरेले यस साकोसमा आवद्ध संचालक , सदस्य र कर्मचारीहरु संस्थाको प्रवर्द्धनमा प्रतिबद्ध रहेको बताए ।
The post बाबियाखर्क बचत तथा ऋण सहकारीको २८औं वार्षिक साधारणसभा सम्पन्न first appeared on Khabar Breaking.
