४ कात्तिक, काठमाडौं । आइतबार बिहान पर्यटन व्यवसायी बसन्तराज मिश्रको निधन भएको छ । डेंगु संक्रमण भएपछि नर्भिक अस्पतालमा उनको उपचार भइरहेको थियो । उनको उपचारकै क्रममा निधन भएको परिवारिक स्रोतले जनाएको छ । मिश्रका श्रीमती, एक छोरा र एक छोरी छन् ।
७३ वर्षीय मिश्रले चार दशकअघि भेन्चर ट्राभल स्थापना गरेका थिए । उनको नवलपरासीमा टेम्पल टाइगर ग्रिन जंगल रिसोर्ट, भेन्चर ट्राभल, ठमेलमा अपार्टमेन्ट लगायत व्यवसाय छन् ।
उनी भेन्चर ग्रुप अफ कम्पनिजका कार्यकारी अध्यक्ष थिए । मिश्रको शव अहिले बिहान १० बजेदेखि दिउँसो १ बजेसम्म श्रद्धाञ्जलीका लागि ललितपुर कुपोन्डोलस्थित उनकै निवासमा राखिने छ । त्यसपछि पशुपति आर्यघाटमा दाहसंस्कार गरिने छ ।
The post पर्यटन व्यवसायी मिश्रको निधन first appeared on Khabar Breaking.
