५ कार्तिक , काठमाडौं । मुलुककै ठुलो सौर्य विद्युत परियोजनाको कर्जा लगानी गर्न ग्लोबल आइएमई बैंक लिमिटेड र प्राइम पावर लिमिटेडबीच समझदारीपत्रमा हस्ताक्षर भएको छ।समझदारी पत्रमा बैंकका प्रमुख कार्यकारी अधिकृत सुरेन्द्रराज रेग्मी र प्राइम पावर लिमिटेडका अध्यक्ष आशीष गर्गले हस्ताक्षर गरेका हुन ।नेपालमा सञ्चालित सौर्य परियोजनाहरु मध्य उक्त परियोजना सबैभन्दा ठुलो क्षमताको परियोजना हो ।
समझदारी अनुसार प्राइम पावर लिमिटेडले ३० मेगावाट क्षमताको सौर्य विद्युत परियोजना कपिलवस्तु जिल्लामा निर्माण गरी सञ्चालन गर्ने छ । साथै, उक्त अवसरमा प्राइम पावर लिमिटेडका अध्यक्ष गर्गले यस परियोजनाद्वारा उत्पादित विद्युत खरिदका साथै चनौटा स्थित सबस्टेसनमार्फत राष्ट्रिय प्रशारण लाइनमा विद्युत जोड्नका निमित्त नेपाल विद्युत प्राधिकरणसँग कम्पनीको सम्झौता भइसकेको जानकारी गराए ।
उक्त परियोजनामा संलग्न लगानीकर्ता समुहद्वारा विभिन्न ५ सौर्य परियोजनाअन्तर्गत ५६ मेगावाट कूल जडित क्षमताको आयोजनाहरुमा समेत लगानी रहेको हु्ँदा यस समुह सौर्य उर्जा क्षेत्रमा नेपालकै अग्रणी समुह रहेको छ।
The post ग्लोबल आइएमई बैंक र प्राइम पावरबीच ३० मेवाको सौर्य उर्जा परियोजनाको समझदारीपत्रमा हस्ताक्षर first appeared on Khabar Breaking.
