१ पुष , काठमाडौं । सवारी साधन व्यवसायीहरुको संस्था नाडा अटोमोबाइल्स एशोसिएसन अफ नेपालका अध्यक्ष करण चौधरीले सरकारको नीतिहरू अटोबजारमैत्री नभएको बताएका छन् । नाडाको ४८ औं वार्षिक साधारण सभालाई सम्बोधन गर्दै उनले यस्तो बताएका हुन् ।
अध्यक्ष चौधरीले नेपालको अर्थतन्त्रमा अटोमोबाइल्स क्षेत्रले ठूलो योगदान दिएको हुनाले सरकारले अटोबजारमैत्री नीति तर्जुमा गर्नुपर्नेमा ध्यानाकर्षण गराए । उनले नेपालको अर्थतन्त्रमा अटोमोबाइलको योगदान २१ प्रतिशत, प्रत्यक्ष रोजगारी १ लाख, अप्रत्यक्ष रोजगारी १० लाख, बीमा क्षेत्रमा ५० प्रतिशत योगदान र विज्ञापन क्षेत्रमा ४० प्रतिशत योगदान गरेको जानकारी दिए । धेरै ठूलो योगदान गर्ने अटो क्षेत्रको लागि सरकारले अटोमैत्री नीति नबनाएको उनको गुनासो थियो ।
कार्यक्रममा अध्यक्ष चाैधरीले विशेषगरी विद्युतीय गाडीमा कर बढाएको, झन्झटिलो कर प्रणाली रहेको र राष्ट्र बैंकले मौद्रिक नीतिमा यस क्षेत्रको लागि केही पनि उल्लेख नगरेको लगायतका समस्या औल्याएका थिए ।
The post अटोबजारमैत्री नीति भएन: नाडा अध्यक्ष चौधरी first appeared on Khabar Breaking.
