काठमाडौँ २२ मंसिर । नेपाली कांग्रेसको संस्थापनइतर पक्षले जिल्ला र प्रदेश तहका नेताहरूसँग आसन्न १४औं महाधिवेशनबारे छलफल गरेको छ । बत्तिसपुतलीको अनमोल ब्याङ्क्वेटमा भएको छलफलपछि आजै दिउँसो ३ बजेपछि फेरि शीर्ष नेताहरू बसेर उम्मेदवार टुङ्ग्याउने सहमति भएको नेता चन्द्र भण्डारीले जानकारी दिए ।
छलफलमा सहभागी कांग्रेसका जिल्ला र प्रदेश तहका नेताहरूको सुझावले आफूहरू उत्साही भएको उनले बताए । अब ३ बजे सिंहनिवास चाक्सिबरीमा सभापतिका उम्मेदवार बन्न चाहने नेताहरूसहित बैठक बस्ने र बेलुकासम्ममा निर्णय गर्ने उनले बताए ।
