काठमाण्डौ २८ मंसिर । कांग्रेस महाधिवेशनमा सभापतिको मत गणना अन्तर्गत अहिलेसम्म ३९ सय ७७ मत गणना भएको छ ।
सभापति शेरबहादुर देउवाले १९०० मत पाउनुभएको छ । त्यस्तै अर्का उम्मेदवार डा।शेखर कोइरालाले १४ सय ६७ र प्रकाशमान सिंहले दुई सय ९६ मत प्राप्त गर्नुभएको छ । अहिलेसम्मको मत परिणाम अनुसार विमलेन्द्र निधिले २ सय ३० र कल्याण गुरुङले २० मत मात्र पाउनुभएको छ ।
नेतृत्वका लागि शेरबहादुर देउवा र शेखर कोइरालाबीच मुख्य प्रतिस्पर्धा भइरहेको छ । अहिलेसम्म देउवा कोइराला भन्दा ४ सय ३३ मतले अगाडि हुनुहुन्छ । कुल ४ हजार ७ सय ४३ मतदातामध्ये ४ हजार ६ सय ७९ मत खसेको छ । अब ७ सय २ मत गन्न बाँकी छ ।
काठमाण्डौको राष्ट्रिय सभागृहमा आज बिहानैदेखि मतगणना चलिरहेको छ ।
