🎄 Holiday Season Special
रुकुम–पूर्व नेपालको गणतान्त्रिक आन्दोलनको निर्णायक केन्द्रः संयोजक दाहाल
काठमाडौं । नेपालमा गणतन्त्रको घोषणा गर्ने थलोको रूपमा रहेको रुकुम–पूर्वमा समाजवाद निर्माणको सन्देश दिन आफू उम्मेदवार बनेको नेपाली कम्युनिष्ट पार्टीका संयोजक पुष्पकमल दाहालले बताएका छन् ।
शुक्रवार काठमाडौंमा आयोजित रुकुम पूर्वका कार्यकर्ता भेला तथा प्रशिक्षण कार्यक्रममा बोल्दै उनले यस्तो बताएका हुन । उनले रुकुम–पूर्व नेपालको गणतान्त्रिक आन्दोलनको निर्णायक केन्द्र भएको उल्लेख गरे ।
पूर्वी–रुकुमको चुनवाङ बैठकबाट नेपालमा संघीय लोकतान्त्रिक गणतन्त्र स्थापना गर्ने निष्कर्ष निकालिएको स्मरण गर्दै उनले चुनवाङ बैठकले महिला, जनजाति, मधेसी, थारुलगायत उत्पीडित समुदायलाई पहिचानसहित अधिकार दिने उद्घोष गरेको बताए ।
चुनवाङ बैठक नेपालमा मात्र नभई अन्तर्राष्ट्रिय रूपमा समेत परिचित रहेको संयोजक दाहालको भनाइ छ । उनले रुकुम(पूर्वकै लवाङ बैठकमा पार्टीभित्र ऐतिहासिक विचारधारात्मक बहस भएको पनि स्मरण गरे ।
हाल देश जेनजी आन्दोलनपछि जटिल अवस्थामा रहेको उनको भनाइ छ । राष्ट्रलाई एकतावद्ध गर्ने, कम्युनिष्ट आन्दोलनलाई नयाँ उचाई दिने र देशभर समाजवाद निर्माणको नयाँ सन्देश प्रवाह गर्न रुकुम(पूर्व उपयुक्त थलो भएको संयोजक दाहालले बताए ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
