🎄 Holiday Season Special
दुर्गा प्रसाईको मध्यराति गिरफ्तारी सरकारको डरको संकेतः काँग्रेस नेता रबिन्स शर्मा
३ कार्तिक, काठमाडौँ । नेपाली काँग्रेसका युवा नेता रबिन्स शर्माले व्यवसायी तथा सामाजिक अभियन्ता दुर्गा प्रसाईलाई मध्यराति सुतेकै अवस्थाबाट पक्राउ गरिएको घटनाले सरकारको चरित्र र मनोविज्ञान प्रस्ट देखाएको टिप्पणी गरेका छन्।
शर्माले आफ्नो फेसबुक पेजमार्फत वक्तव्य जारी गर्दै भनेका छन्, “बोलेकै भरमा दुर्गा प्रसाईलाई मध्येराति सुतेको ठाउँबाट पक्रनुले यो सरकार लोकतन्त्रमा विश्वास गर्दैन र सरकार टिकाउन डराएको भान हुन्छ।” उनले प्रसाईको अभिव्यक्ति र विचारलाई ‘अपराध’ ठहर गर्दै धकेलिएको गिरफ्तारी शैलीले मुलुकमा अभिव्यक्ति स्वतन्त्रता खुम्चिएको जस्तो देखिएको टिप्पणी गरे।
उनले दुर्गा प्रसाईलाई अविलम्ब रिहाइ गर्नुपर्ने मागसमेत गर्दै लेखेका छन्, “दुर्गा प्रसाई तत्काल रिहाइ हुनु पर्दछ। लोकतन्त्रको अन्तरात्मा नै अभिव्यक्तिको स्वतन्त्रता हो। सरकार आलोचकको आक्रोश सहन नसकेर रातारात बेडबाटै कोहीलाई उठाएर लैजान थालेको छ भने त्यो अधिनायकवादतर्फको संकेत हो।”
शर्माले सरकारले आलोचनालाई स्वीकार गर्न सक्नुपर्ने र राजनीतिक–प्रशासनिक संयमता प्रदर्शन गर्नुपर्ने उल्लेख गर्दै गिरफ्तारी शैली नै अनुचित, अनावश्यक र प्रतिशोधप्रेरित जस्तो देखिएको आरोप लगाए।
दुर्गा प्रसाईबारे विभिन्न विषयमा विवाद भइरहेका बेला मध्यराति गरिएको पक्राउको विषयले सामाजिक सञ्जालमा व्यापक प्रतिक्रिया आएको छ। नेता शर्माको पोस्ट पनि ती प्रतिक्रियामध्ये एक महत्वपूर्ण राजनीतिक अभिव्यक्ति बनेको छ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
