काठमाण्डौं, पुस १० । एमाले अध्यक्ष केपी शर्मा ओलीले आफूहरूले पार्टीबाट निकालेका मान्छे राखेर बोलाउने सर्वदलीय बैठकमा नजाने प्रष्ट पारेका छन् । विराटनगरमा पत्रकारसँग कुराकानी गर्दै नेकपा एकीकृत समाजवादी पार्टीका नेताहरूलाई बोलाएको सर्वदलीय बैठकमा नजाने प्रष्ट पारेका हुन् ।
उनले सत्तारुढ दलको गठबन्धन नभत्कियोस् भन्ने आफ्नो चाहना रहेको पनि बताए । उनले चुनाव हुनुपर्ने आफूहरूको भनाइ रहेको बताए । ‘अर्ली इलेक्सन भए पनि नभए पनि इलेक्सन हुनुपर्छु उनले भने ।
सरकारले एमसीसीको बारेमा धारणा सार्वजनिक नगरेसम्म एमालेले एमसीसीका बारेमा धारणा सार्वजनिक नगर्ने उनको भनाइ छ । एमसीसीबारे आफ्नो नीति ल्याउन नसक्नु सरकारको कमजोरी भएको उनले बताए ।
उनले ‘व्यक्तिगत तवरले सरकारले कुरा गरिरहेको छ र गठबन्धनको सरकार भएपछि गठबन्धनको एउटा धारणा त आउनुपर्छ नि ।’
गठबन्धन दलभित्रका पार्टीहरूको एमसीसीको बारेमा आ–आफ्ना छुट्टै नीति भएकोले यो कस्तो गठबन्धन भन्दै अध्यक्ष ओली प्रश्न गरे । उनले एमसीसीको बारेमा पहिले सरकारको धारणा आएपछि मात्रै आफूहरुले केही बोल्ने बताए ।
