🎄 Holiday Season Special
रास्वपाका नेता पार्टी परित्याग गरी राष्ट्रिय एकता दलमा प्रवेश
बारा । राष्ट्रिय स्वतन्त्र पार्टी, रास्वपा बारा क्षेत्र नम्बर ४ का उपसभापति दीपक पंडित तथा पार्टी नेता श्याम बाबु पाण्डेयले पार्टी परित्याग गरी राष्ट्रिय एकता दलमा प्रवेश गरेका छन्।
एक कार्यक्रमका बीच राष्ट्रिय एकता दलका केन्द्रीय अध्यक्ष तथा बारा ४ का प्रतिनिधिसभा सदस्य उम्मेदवार विनय यादवले उनीहरूलाई पार्टीमा औपचारिक रूपमा स्वागत गरेका हुन्।
पार्टी प्रवेश कार्यक्रमलाई सम्बोधन गर्दै नवप्रवेशी नेताहरूले देशमा सुदृढ राष्ट्रिय एकता कायम गर्ने र हिन्दू राष्ट्र स्थापनाको अभियानमा सहभागी हुन राष्ट्रिय एकता दल रोजेको बताएका छन्। आगामी दिनमा संगठन विस्तार र जनताको हितका लागि सक्रिय रूपमा काम गर्ने प्रतिबद्धता पनि उनीहरूले व्यक्त गरे।
कार्यक्रममा राष्ट्रिय एकता दलका नेताहरूले दीपक पंडित र श्याम बाबु पाण्डेयको प्रवेशले बारा क्षेत्र नम्बर ४ मा पार्टीलाई थप सशक्त बनाउने विश्वास व्यक्त गरे।
कार्यक्रममा स्थानीय कार्यकर्ता तथा समर्थकहरूको उल्लेखनीय उपस्थिति रहेको थियो।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
