काठमाण्डौं २७ मंसिर । माओवादी केन्द्र लुम्बिनी प्रदेश सम्मेलन पदाधिकारी नटुंग्याई सकिएको छ । प्रदेश कमिटीको पहिलो बैठकले पदाधिकारी टुंग्याउने गरी सम्मेलन सकिएको निर्वाचन समितिका प्रदेश संयोजक रामशरण चौधरीले जानकारी दिए ।
एक प्रदेश सदस्यका अनुसार अध्यक्ष र सचिवमा लगभग टुंगो लागे पनि अन्य पदाधिकारीमा सहमति जुटन नसकेपछि पहिलो बैठकले टुंगो लगाउने गरी सम्मेलन सकिएको हो । प्रदेश कमिटीमा ९ जना पदाधिकारी रहनेछन् ।
चौधरीका अनुसार प्रदेश सदस्यको भने टुंगो लागिसकेको छ । २१७ जना सदस्यले सोमबार नै शपथ लिएका छन् । राष्ट्रिय सम्मेलनअघि नै पदाधिकारी टुंगो लगाउने माओवादी केन्द्रले जनाएको छ ।
