🎄 Holiday Season Special
नेपाल भ्यालुयर्स एसोसिएशनको पन्ध्रौं स्थापना दिवस भब्यरुपमा सम्पन्न
काठमाडौं । नेपाल भ्यालुयर्स एसोसिएशन (एनभिए) को पन्ध्रौं स्थापना दिवस पेशागत एकता र असल अभ्यासको प्रवर्द्धनमा जोड दिँदै सम्पन्न भएको छ । यो सम्पत्ति मुल्यांकनकर्ता व्यवसायिक इन्जिनियरहरुको छाता संगठन हो । नेपाल राष्ट्र बैंकका कार्यकारी निर्देशक तथा प्रवक्ता गुरुप्रसाद पौडेलको प्रमुख आतिथ्यतामा आज राजधानीमा विशेष समारोहको आयोजना गर्दै संस्थाले १५औं वार्षिकोत्सब मनाएको हो।
स्थापना दिवसको अवसरमा एसोसिएशनका वरिष्ठ सदस्य एवं संस्थाका मधेस प्रदेशका पूर्व अध्यक्ष इ दिलीप कुमार श्रीवास्तवलाई उनले दिएका दीर्घकालिन र महत्त्वपूर्ण योगदानको लागी सम्मान प्रदान गरियो ।
समारोहमा प्रमुख अतिथि नेपाल राष्ट्र बैंकका कार्यकारी निर्देशक तथा प्रवक्ता गुरुप्रसाद पौडेलले अहिलेको युगमा पेसागत अधिकारको वकालत गर्न संघसंगठनको महत्त्वपूर्ण भूमिका रहेको र त्यस अर्थमा एनभिएले संस्थागत स्विकार्यता कायम गर्दै सदस्यहरुको हितमा काम गर्न सक्षम देखिनुपर्ने आग्रह गरे। कार्यकारी निर्देशक पौडेलले देशमा वित्तीय स्थायित्व कायम राख्न वित्तीय संस्थाहरुले उच्च मर्यादा कायम राख्न सक्नुपर्नेमा जोड दिए। एनभिएका सदस्य इन्जिनियरहरुले पनि पेशागत मुल्यांकनको उच्च आदर्श कायम राख्न उनले आग्रह गरे।
कार्यक्रममा एनभिएका अध्यक्ष इ संजय महतोले मूल्यांकन कार्यका जटिलतालाई सम्बोधन गर्नको लागी एशोसिएसन लागिपरेको बताए । नेपाल राष्ट्र बैंकको एकिकृत निर्देशिकाको इ प्रा नं १२ को बुँदा नं (७) को धितो मूल्याङ्कनकर्ता संबन्धी विशेष व्यवस्थामा रहेको कालो सुची र २/३ को व्यपरून न्यायोचित नभएकोले यसको खारेजीको माग सहित संबद्ध निकायको पुनः ध्यानाकर्षण गराउदै थप कार्यक्रमको घोषणा गर्ने प्रतिबद्धता उनले जनाए ।
एनभिएका अध्यक्ष इ संजय महतोको सभापतित्वमा सम्पन्न उक्त वार्षिकोत्सब समारोहमा प्रमुख अतिथि नेपाल राष्ट्र बैंकका कार्यकारी निर्देशक तथा प्रवक्ता गुरुप्रसाद पौडेल , नेपाल इन्जिनियर काउन्सिलका सदस्य सचिव ध्रुव भट्टराई, नेपाल इन्जिनियर एसोसिएसनका अध्यक्ष सुवासचन्द्र बराल, संस्थाका निवर्तमान अध्यक्ष ऋषि कोइराला तथा संस्थापक अध्यक्ष वसन्त रमण रजौरिया , महासचिव इ। अशोक सिलवाल लगायतले आ आफनो बिचार ब्यकत गरेका थिए । कार्यक्रममा संस्थाका देशभरका सदस्यहरु, बिभिन्न मिडियाका संचारकर्मीहरुको उत्साहपूर्ण उपस्थिति रहेको थियो।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
