🎄 Holiday Season Special
नाडाको अध्यक्षमा सुरेन्द्रकुमार उप्रेती निर्विरोध निर्वाचित
१७ पुस, काठमाडौं । नेपाल नाडा अटोमोबाइल्स एशोसियसन अफ नेपाल ९नाडा०को अध्यक्षमा सुरेन्द्रकुमार उप्रेती निर्विरोध निर्वाचित भएका छन् । नाडाको यही पुस २५ गते तोकिएको निर्वाचनका लागि मनोनयन दर्ता पुस १७ गते बिहीबार १२ बजेसम्मको समय तोकिएको थियो । उक्त समय भित्र अध्यक्षमा अन्य कुनै व्यक्तिको उम्मेदवारी नपरे पछि उप्रेती निर्विरोध चयन भएका हुन् ।
उनी नाडाको वर्तमान कार्यसमितिमा महासचिव थिए । उप्रेती लामो समयदेखि नाडामा आबद्ध छन् । उप्रेती एसटीसी ग्रुपका प्रबन्ध निर्देशक समेत हुन् । यस ग्रुप नेपालमा टायर, लुब्रिकेन्ट, ब्याट्री, अन्य स्पेयर पार्टस लगायत व्यवसायमा संलग्न छ ।
अध्यक्षसँगै नाडाको सबै कार्यसमिति पदाधिकारी सर्वसहमतिमै चयन गर्ने प्रयास भइरहेको छ । सदस्यमा १७ जना आवश्यक रहेकोमा १८ जनाको उम्मेदवारी परेको छ । १८ जना मध्य एक जनाले मनोनयन फिर्ता गर्ने र उनलाई मनोनयन गरेर सदस्यमा ल्याउने गरी छलफल भइरहेको जनाइएको छ । अध्यक्षले ३ जनालाई कार्यसमितिमा मनोनयन गर्न पाउने व्यवस्था छ । २५ गते हुने निर्वाचन कार्यक्रमबाट सर्वसम्मत नयाँ कार्यसमिति घोषणा हुनेछ ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
