🎄 Holiday Season Special
नयाँ दिल्लीमा प्रचण्डले एकता सन्देश सभालाई सम्बोधन गर्ने
२० पुष, काठमाडौं । नेपाली समाज भारतको आयोजनामा ‘एकता सन्देश सभा हुने भएको छ । लाजपत भवन अडिटोरियम, नयाँ दिल्ली ९मूलचन्द मेट्रो स्टेशन नजिक० मा सोमबार दिउँसो १ बजे हुने कार्यक्रममा नेपाल सरकारका पूर्वप्रधानमन्त्री एवं नेपाल कम्युनिस्ट पार्टीका संयोजक पुष्पकमल दाहाल ‘प्रचण्ड’ को प्रमुख आतिथ्यता रहने आयोजकले जनाएको छ ।
प्रवासी नेपाली समुदायबीच आपसी सद्भाव, सहकार्य र साझा भविष्यप्रतिको प्रतिबद्धतालाई थप सुदृढ बनाउने उद्देश्यले उक्त कार्यक्रम आयोजना गर्न लागिएको नेपाली समाज भारतका महासचिव आरबी खड्काले जानकारी दिए ।
खड्काका अनुसार, भारतमा रहेका नेपालीहरूको सामाजिक–राजनीतिक चेतना अभिवृद्धि गर्नु र उनीहरूलाई एकताबद्ध बनाउनु नै यस कार्यक्रमको मुख्य लक्ष्य हो । लामो समयदेखि प्रवासी नेपालीको हक–हित र पहिचानका लागि कार्य गर्दै आएको यस संस्थाले यो सभालाई ऐतिहासिक बनाउने तयारी गरेको छ । भारतभर रहेका नेपाली दाजुभाइ तथा दिदीबहिनीहरूलाई उक्त कार्यक्रममा सहभागी हुन आह्वान गरिएको छ ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
