बिष्णु प्रसाद शर्मा,
नेपाल धार्मिक, सास्कृतिक परम्पराले भरिपूर्ण देश हो । यो भूमिलाई ऋषि महर्षिहरुले सिंचित गरि पबित्र बनाई दिएको हो । पबित्रताको लागी मानवहरुले ध्यान दिन नसकेका कुराहरु अथाह छ र नेपाली परम्पराको थालनी शुद्धताको भावनाले नबुझि नहँुने शास्त्रद्धारा सिकाइएका र मानव कल्याणका पर्यायवाची शुद्धिको सानो हितकारी बचन अनुसार बुझने कोसिस गरौं । आफैले मात्र प्रयोग गर्ने ओछ्यान, कपडा, स्त्री, सन्तान र कमण्डलु जलपात्र शुद्ध हुन्छन ? अर्काका अशुद्ध हुन्छन ?
माथिका कुराहरु आजभोली अमान्य भइसकेका छन । लोग्ने मरेकी स्त्री बिवाह गर्ने, छोरा छोरी नहुनेले धर्मपुत्र पाल्ने जस्ता कुरा त कानूनमै ब्यवस्था भइसकेको छ । यज्ञोपवीत, जनै लगाउने मानिस सारै थोरै भइसकेका छन । अरुको सम्पत्ति, स्त्री, अपमान र धुत्र्याई नगर्ने पनि कमै मात्रमा होलान । शास्त्रले यी सबै गलत कार्यको सूचिमा राखिदिएको छ । मानव दानवमा परिणत भइसकेपछि सबै कुराहरु राम्रो ठान्दछ र आफू मात्रै ठूलो भएको मान्दछ । ठान्नु र मान्नु अनौठो त कदाचित गलत होइन । तर अरुको मूल्यांकनमा नपर्नु चाहि गम्भिरता हो ।
धुम्रपान स्वास्थ्यका लागी हानिकारक हो भनेर प्रार्य सबैले जानेकै छन तैपनि सेवन गर्न छाडेका छैनन् । हामीलाई बुझाईएको र सिकाइएको दलिय ब्यवस्थाले हामीलाई नै खाइदियो भनेर सबै जनताले बुझि सकेका छन । तापनि चुनावमा भोट दिन छाडेका छैनन् । हो, यसैलाई भनिन्छ बिकार बिकारले कसैलाई चोखो र शुद्ध राख्दैन र समाप्त बनाईदिन्छ । हामीले पिएको बस्तुले हामीलाई नै समाप्त पार्दछ र हामीले दिएको भोटले देश र हामीलाई नै अपमानित, कंगाल र अस्तित्व बिहिन बनाईदिइसकेको छ ।
बहुदलीय, अर्थात प्रजातन्त्र नेपाली जनताले चाहे अनुसारको शासन ब्यवस्था हो, यो । जनताले चाहेका थिएनन् भनेर भन्न नसकिने गरि परिपञ्च मिलाईएको थियो । परिपञ्च जसले जहाँबाट जसरी गराइएको भएता पनि अग्रपंक्तिमा जनताकै नाम आएकै थियो । संलग्न सबैले तालि पिटेकै थिए , छन र पिटिरहन्छन । देश बरवाद हुन्छ, भइसकेको छ । जनता ठगिने ठगिएकै छन । लुटनेहरु राता रात उठेकै छन र उठिरहन्छन । यो बिदेशीहरुकालागी फाइदाजनक नै हो ।
नेपालमा निर्वाचन हुन्छ, अमेरिका र युरोपियन युनियनले पर्यवेक्षण गरेर निष्पक्ष धाँधली रहित प्रतिवेदन दिन्छ र लुटेर खाने प्रमाण पाइन्छ । यसैलाई लोकतन्त्र, प्रजातन्त्रको नामले पुकारिन्छ । लुटनेले लुटिरहने, ठग्नेले ठगिरहने यो कुरा जनताले बुझि सकेका छन । के नेपाली जनताले चाहे अनुसारको शासन ब्यवस्था हो यो ? अब जनतालाई ढाँटन पाइदैन । शर्मा, नेपाल संरक्षण अभियानका केन्द्रीय संयोजक हुनुन्छ ।
