१फागुन, काठमाडौँ। संघीय निजामती सेवा ऐन तहगत संरचनामा रहने सहमति भएको राज्य व्यवस्था तथा सुशासन समितिका सभापति रामहरि खतिवडाले बताउनु भएको छ ।

सिंहदरबारमा बिहीबार बसेको समिति बैठकले विधेयकमाथिको दफावार छलफलका क्रममा सहमति गरेको सभापति खतिवडाले बताउनुभयो।

संघीय निजामती सेवाको गठन, सञ्चालन र सेवा सर्त सम्बन्धमा व्यवस्था गर्न बनेको विधेयकमाथि समितिमा छलफल भएको थियो । विधेयकमाथि समितिमा छलफल र सहमति हुँदै आएको छ ।

हाल निजामती सेवा श्रेणीगत संरचनामा रहेकोमा संघीय निजामती विधेयकको दफा ६ मा निजामती सेवा चौधौँ तहसम्म रहने गरी व्यवस्था गरिएको छ ।