शिक्षकहरुलाई वार्ताबाट विद्यालय फर्काउँछु: शिक्षामन्त्री रघुजी पन्त
१२ वैशाख , काठमाडौं । नवनियुक्त शिक्षामन्त्री रघुजी पन्तले आन्दोलनरत शिक्षकहरुलाई वार्ताबाट कक्षाकोठामा फर्काउने प्रयास गर्ने बताएका छन् । बिहीबार ( ११ वैशाख ) शिक्षामन्त्रीको पदभार ग्रहणपछि सञ्चारकर्मीहरुसँग कुरा गर्दै शिक्षामन्त्री पन्तले शिक्षकहरुको मागबारे जानकार भएपनि अहिलेसम्म भएका प्रयासहरुबारे जानकारी लिएपछि थप प्रक्रिया चाल्ने बताएका छन् ।
शिक्षामन्त्री पन्तले भने – ‘काम गर्ने ठाउँमा आएको छु। वार्ताबाट शिक्षकहरूको माग सम्बोधन गर्ने प्रयास गर्छु । मेरो सम्पूर्ण ध्यान त्यता केन्द्रित हुन्छ।’
शिक्षामन्त्रीबाट विद्या भट्टराईले बुधबार राजीनामा दिएपछि पन्तलाई प्रधानमन्त्री केपी शर्मा ओलीले शिक्षामन्त्रीमा नियुक्त गरेका थिए । विद्यालय शिक्षा ऐनकाे माग गर्दै शिक्षकहरु २३ दिनदेखि आन्दाेलनमा छन् । उनिहरुको माग सम्बाेधन गरेर शिक्षकहरुलाई विद्यालय फर्काउनुपर्ने चुनाैती पन्तमाथि रहेकाे छ ।
