१२ असार, काठमाडौं । आज विविध कार्यक्रम गरी लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवस नेपालमा पनि मनाइँदैछ ।गृह मन्त्रालय अन्तर्गत लागूऔषध नियन्त्रण शाखा मूल आयोजक समितिले आज विभिन्न जनचेतनामूलक कार्यक्रमको आयोजना गर्दैछ ।
दिवसका अवसरमा मन्त्रालयले विभिन्न संघसंस्थाको सहभागितामा काठमाडौंमा प्रभातफेरि निकालेको छ । प्रभातफेरिमा गृहमन्त्री रवि लामिछानेसहित प्रहरीका उच्च अधिकृत सहभागी थिए ।गृह मन्त्रालयको सर्वेक्षण अनुसार नेपालमा दुर्व्यसनीको संख्या ५ दशमलव ०६ प्रतिशतले वृद्धि भइरहेको छ । प्रहरीको तथ्यांक अनुसार नेपालमा हरेक दिन औसतमा १८ जना लागु औषध कारोबारी पक्राउ पर्ने गरेका छन्।
संयुक्त राष्ट्रसंघको महासभाले ७ डिसेम्बर १९८७ मा प्रत्येक वर्ष जुन २६ लाई लागुऔषध दुरुपयोग तथा ओसारपसारविरुद्धको अन्तर्राष्ट्रिय दिवसका रुपमा मनाउने निर्णय गरेको थियो ।
The post लागुऔषध विरुद्ध चेतना जगाउन विविध कार्यक्रम गरी मनाइँदै first appeared on Khabar Breaking.
अमेरिका खबर इडिटरियल