४ वैशाख , काठमाडौं । वित्तीय समस्या समाधान संयुक्त राष्ट्रिय अभियान (महासंघ) नेपालको आह्वानमा विभिन्न अभियानी संघ संस्थाहरूको आन्दोलनमा एक्यवद्धता गर्न आज राष्ट्रिय मुक्ति पार्टी का अध्यक्ष राजेन्द्र महतो शान्तिबाटिका पुगे । उनले सहकारी पीडित, लघुवित्तबाट ठगिएका गरिब जनता, बैंकिङ धोखाधडीका शिकार भएका परिवार अन्यायको आगोमा जलिरहेका , देशका हरेक तप्काका जनता असन्तुष्ट रहेका , काठमाडौको हरेक सडक आन्दोलित रहेका र अब पापको घडा भरीएर कुनै बेला पनि फुटन सक्ने बताएका छन् ।

महतोले भने- ‘सहकारी पीडित, वित्तीय तथा लघुवित्त पीडित, बैंक पीडित लगायतका विभिन्न खाले वित्तीय शोषणविरुद्ध न्यायपूर्ण संघर्षलाई अगाडि बढाउन राष्ट्रिय मुक्ति पार्टी, नेपालको एक्यबद्धता छ ।

‘सरकार अभिभावक हुनुपर्छ तर उल्टो शोषण गरिरहेको छ । नेपाल सरकार र आयोजक संस्थाहरूबीच समय-समयमा भएका सम्झौताहरू हालसम्म पनि कार्यान्वयन नभएको र सरकारले आलटाल गर्दै पिडीतलाई झनै पिडीत बनाउने गतिविधिले सरकार प्रतिको भरोसा दिनप्रतिदिन कम हुँदै गएको छ । सरकारले गरेका वाचाहरू पूरा नगर्ने प्रविर्तीले नै गर्दा नै सरकार प्रति, ब्यबस्था प्रति नागरिकको बिश्वास कम हुँदै गएको हो । पीडितहरूको आँसु र रगतले सिँचिएको यो संघर्ष अब “अलपत्र विश्वास” भरमा होइन एकीकृत ढंगले अगाडि बढने छ ।

‘ यो नेपालको गरिब जनताको आर्थिक न्यायको लडाइँ हो । न्याय, समानता र आर्थिक शोषणको अन्त्यका लागि हुने यस संघर्षमा सम्पूर्ण नागरिक समाज, अभियानी समूह तथा पीडित वर्ग एकजुट भई आन्दोलनलाई सफल र परिणाममुखी बनाउन साथ र सहयोग गर्नुपर्छ ।’

विगत दुई बर्ष देखि सहकारी एवं लघुवित्त पीडितहरु संघर्षरत रहि आएका छन ।