९ फागुन , काठमान्डौं। राष्ट्रिय मातृभुमी पार्टीले आगामी फागुन १० गते शनिवार देखि देशब्यापी रूपमा जनजागरण र झाडुकुचो कार्यक्रम गर्ने वताएको छ। रामशरण पाण्डेको अध्यक्षतामा २०८० फागुन ९ गते स्थापना भएको उक्त पार्टीले आफ्नो वार्षिकोत्सबकै दिन पारेर जागरण अभियानको घोषणा गरेको छ।

यस्ता छन् घोषित कार्यक्रम :

-फागुन १० गते – शान्तीवाटिका र रानीपोखरीमा जनजागरण र झाडुकुचो कार्यक्रम गर्ने।

-फागुन २० गते मंगलबार – माइतीघर मंडलामा, फागुन २२ गते बिहीबार मकवानपुर-हेटौडा बुद्धचोकमा, फागुन २३ गते शुक्रबार पर्सामा, फागुन २४ गते शनिबार रौतहटको माधवपुरमा, फगुन २५ गते आइतबार धनुषाको जनकपुरमा मातृभूमि जनजागरण तथा झाडुकुचो कार्यक्रमको आयोजना गरिने छ।

-यसैगरि फागुन २१ गते – प्रधानमंत्री केपी ओलीलाई एक ज्ञापनपत्र बुझाइने छ।

पार्टीको प्रमुख एजेन्डाहरुमा भ्रष्ट्राचारीका विरुद्ध कडा कानून ल्याइनु पर्ने, संसदिय व्यवस्थाको अन्त्य गरी जनतावाट प्रत्यक्ष निर्वाचीत कार्यकारी प्रधानमंत्रीको व्यवस्था गरिनुपर्ने, पुर्ण समानुपातिक निर्वाचन प्रणाली, निर्वाचनमा उम्मेदवारहरु मन नपरेमा त्यो जनाउन पाउनुपर्ने तथा निर्वाचित जनप्रतिनिधिको काम घोषणापत्र अनुरुप नभएमा फिर्ता बोलाउन पाउनुपर्ने इत्यादी रहेका छन् ।

सो पत्रकार सम्मेलरलाई संवोधन गर्दै पार्टीका अध्यक्ष राम शरण पाण्डेले सडकमा मात्र झाडुकुचो लगाउने होइन, भ्रष्ट्राचारीलाई समेत झाडुकुचो लगाइने वताए । जवसम्म भ्रष्ट्राचारीहरु का विरुद्ध सम्पत्ती जफत सहितको कडा सजाय हुँदैन,तबसम्म देशमा भ्रष्ट्राचार नरोकिने भएकाले यसको पहल गर्न आफुहरु जनता माझ जान लागेको तथा स्रोत नखुलेको सम्पत्ती राष्ट्रियकरण गर्ने तर्फ आफूहरु लाग्ने वताए।

त्यस्तै , सो पार्टीका महासचिव गोविन्द गिरीले राज्य संचालन गर्ने नेताहरु प्रायको कमिशनमा मात्र ध्यान रहेको, यिनीहरु नै चरम भ्रष्ट्राचारमा लिप्त रहेकाले जनता समक्ष भंडाफोर गर्न अभियान‌को शुरुवात गर्न लागेको बताए।

सो पत्रकार सम्म्मेलनमा पार्टीका वरिष्ठ नेता के वि.लिम्बु, तोप वहादुर गुरुङ (सचिव), लक्ष्मीदत्त भट्ट (उप महासचिव), यज्ञ प्र. वस्याल (सचिव) ,आर.के.ढकाल (उपाध्यक्ष), टुल राज वस्याल (उपाध्यक्ष) लगायतको उपस्थिति रहेको थियो।