आगामी निर्वाचन र पार्टीको महाधिवेशन एउटै समयमा पर्ने भएकाले त्यहीअनुसार तयारी गर्न पार्टी पंक्तिलाई भेलाले निर्देश गरेको छ । निर्वाचनलाई ध्यान दिएर अधिवेशनहरुलाई चाँडै सक्ने लक्ष्य पार्टीले लिएको छ ।
‘राजेन्द्र लिङदेन पार्टीको अध्यक्ष भइसकेपछि एक सीटबाट १४ सीटमा पुगेको छ । त्यसलाई जोगाउँदै पार्टीभित्रको असन्तुष्टिलाई पनि सम्बोधन गर्दै अघि बढ्नुपर्ने चुनौती छ’, राप्रपाका एक नेताले भने, ‘पार्टी सञ्चालनको क्रममा सांगठनिक कमीकमजोरी छन् भन्ने कुरा पनि आएको छ । त्यसलाई सच्याउन दबाब पनि छ ।’
त्यस्तै , अहिलेको सरकार गठन राम्रो मनसायले नभएको भेलाले निष्कर्ष निकालेको छ । भेलाको निष्कर्ष छ, ‘विभिन्न काण्डहरुलाई ढाकछोप गर्न नयाँ समीकरण बनेको छ । यसले जनताको अपेक्षाकृत परिणाम दिन सक्दैन । ठूला भनिएका पार्टीहरु दलदलमा फसेको र नयाँ भनिएका पार्टीहरुले जनतामा आशा पैदा गर्न नसकेको अवस्थामा राप्रपाको लागि उर्बर अवसरको रुपमा लिनुपर्छ भन्ने निष्कर्ष रह्यो ।’
भेलालाई सम्बोधन गर्दै अध्यक्ष लिङदेनले पनि दुई ठूला पार्टी मिलेपछि समावेशिता र समानुपातिक प्रणाली खतरामा देखिएको टिप्पणी गरेका थिए । उनले बहुदलीय व्यवस्थालाई समाप्त पारेर दुई दलीय व्यवस्था स्थापित गर्ने प्रयत्न भइरहेको भन्दै कांग्रेस-एमालेमात्रै भएको देश कस्तो हुन्छ भन्दै प्रश्न गरे ।
‘अरु दल, नागरिक समाज हुँदा त कांग्रेस-एमालेको देशमा यो प्रकारको बिगबिगी, कांग्रेस-एमालेमात्रै भएको देश कस्तो हुन्छ ? त्यसैले त्यस प्रकारको अधिनायकवादी र सर्वसत्तावादी सोचका विरुद्ध उभिने र जनताको पक्षमा उभिने जिम्मेवारी हामीलाई आएको छ’, अध्यक्ष लिङदेनको भनाइ थियो ।
विगतका चुनावको कमीकमजोरीहरुलाई सच्याउँदै पार्टीको आगामी नेतृत्वमा लिङदेन नै दोहोरिनुपर्नेमा नेताहरुको जोड रहेको राप्रपाले जनाएको छ। राप्रपाको महाधिवेशन २०८३ मंसिरसम्म गरिसक्नु पर्नेछ । भेलामा जिल्ला अध्यक्षहरुले आर्थिक समस्याको कारणले पार्टी चलाउन समस्या भएको गुनासो राखेका थिए । भेलामा निर्वाचनमा पार्टीले गर्ने चुनावी तालमेलको विषयमा समेत ख्याल गर्नुपर्नेमा जोड दिएका छन् ।
The post राष्ट्रिय प्रजातन्त्र पार्टीको जिल्ला अध्यक्षहरुको भेला काठमाडौंमा सम्पन्न first appeared on Khabar Breaking.
अमेरिका खबर इडिटरियल