मनिषालाई ‘हीरामण्डी’ बाट उत्कृष्ट अभिनेत्रीको अवार्ड

२० मंसिर , काठमाडौं । अभिनेत्री मनिषा कोइरालाले सञ्जयलीला भन्सालीको नेटफ्ल्क्सि सिरिज ‘हीरामण्डी’बाट यसैसाता उत्कृष्ट अभिनेत्रीको फिल्मफेयर ओटीटी अवार्ड जितेकी छन् ।

अवार्ड समारोहपछि यो जितमा उनले सामाजिक संजालमार्फत खुसी व्यक्त गरेकी छन् । ‘नायिकाको रूपमा मेरो पुनरुत्थान नै हीरामण्डी हो भन्ने कुरा यो अवार्डले प्रमाणित गर्छ । मैले मेरो प्रदर्शन, मेरो लुक, मेरो उर्दू उच्चारण, मेरो शारीरिक भाषामा साँच्चै कडा मेहनत गरेको छु’ उनले भनेकी छन् । ऊनी  हीरामण्डीलाई नयाँ सुरुवातको रूपमा हेर्छिन् । भन्छिन्, ‘यो पुरस्कार मेरो पुनरुत्थानको प्रमाणीकरण हो । यसले म सही बाटोमा छु भनेर देखाउँछ । म हीरामण्डीको दोस्रो सिजनमा काम सुरु गर्न अधैर्य छु । मलाई लाग्छ म यस पटक राम्रो हुनेछु ।’

‘मेरो चरित्र मल्लिकाजन रहस्यमय थियो । विचलित तुल्याउन सजिलो थिएन । उनी दया र क्रूरतालाई सहन सक्षम छिन् । मेरो लागि यो चरित्र सिर्जना गर्नुभएकोमा सञ्जयलीला भन्सालीलाई धन्यवाद दिन चाहन्छु’ मनिषाले भनेकी छन् ।

मनिषाले आफ्नो करियरको सबैभन्दा महत्वपूर्ण फिल्म र अभिनय भन्सालीसँग ‘खामोशी : द म्युजिकल’मा गरेकी थिइन् । यसअघिको एक अन्तर्वार्तामा उनले भनिन्, ‘खामोशीमा करियरको शुरुवातमा उनीसँग काम गरेकी थिएँ, उनले खामोशीमा सुन्दर संसार बनाए । हीरामण्डीको भव्यता धेरै छ । सञ्जयले खामोशीलाई आत्मीय बनाउन सक्छन् भने हीरामण्डीलाई किन नसक्ने ?’

The post मनिषालाई ‘हीरामण्डी’ बाट उत्कृष्ट अभिनेत्रीको अवार्ड first appeared on Khabar Breaking.