भोलिबाट एक महिने जैविक कृषि जागरण अभियान हुँदै
८ वैशाख, काठमाडौं । एक महिने जैविक कृषि जागरण अभियान २०८२ हुने भएको छ । आज राजधानीमा पत्रकार सम्मेलन गरेर खाद्यका लागि कृषि अभियानले सो जानकारी दिएको हो ।
रासायनिक मल र विषादी प्रयोग नियन्त्रण गरी माटो र मानव स्वास्थ्यप्रति जनचेतना जगाउने उद्देश्यले जैविक कृषि जागरण अभियान चलाउन थालेको आयोजकले जनाएको छ ।
कृषिसम्बन्धी काम गर्ने संघसंस्थाको अनौपचारिक फोरमका रूपमा रहेको कृषिका लागि खाद्य अभियानले रासायनिक मल र विषादी प्रयोग घटाउने र जनचेतना बढाउन जागरण अभियान चलाउन लागेको अभियानका संयोजक उद्धव अधिकारीले बताउनु भयो ।
आयोजकका अनुसार काठमाडौंबाट सुरु हुने अभियान मध्यपहाडी क्षेत्रका पालिका, विद्यालय, कृषि समूह, कृषि फार्महरूको भ्रमण तथा अन्तक्र्रिया हुनेछ ।
भोलिबाट पहिलो दिन नमोबुद्ध नगरपालिकासँग अभियानले छलफल र जागरण कार्यक्रम गर्ने छ र पूर्वी पहाडी र तराईका विभिन्न ठाउँमा कार्यक्रम ७ जेठमा अभियान सकिने छ ।
