३१ भदौ काठमाडौं । भाटभटेनी सुपरमार्केटले आफ्नो ३०औँ स्टोरको शुभारम्भका लागि भूमि पूजा सम्पन्न गरेको छ । ललितपुर १५ स्थित हात्तीवनको क्लासिक चोकमा भाटभटेनीले आफ्नो ३०औँ स्टोर सञ्चालनमा ल्याउन लागेको जनाएको छ ।
अध्यक्ष तथा प्रबन्ध निर्देशक मीनबहादुर गुरुङका अनुसार करिब एक वर्षमा सम्पन्न गरिसक्ने लक्ष्यका साथ स्टोर निर्माणका लागि भूमि पूजा गरिएको छ । यसअघि पोखरा र चितवनमा २८औँ र २९औँ स्टोर निर्माणका लागि भूमि पूजा सम्पन्न भएको गुरुङले जानकारी दिनु भयो । करिब पाँच सय युवालाई रोजगारी दिन सकिने गरी स्टोर सञ्चालनमा ल्याउन लागिएको उहाँले बताउनु भयो ।
The post भाटभटेनीको ३०औँ स्टोरको शुभारम्भका लागि भूमि पूजा सम्पन्न first appeared on Khabar Breaking.
