१३ असोज , काठमाडौं । अघिल्लो बिहीवारदेखि परेको अविरल वर्षाका कारण आएको बाढीपहिरोले देशभर ठूलो धनजनको क्षति भएको छ। अति वर्षाले ठाउँ–ठाउँमा पहिरोका कारण सडक अवरुद्ध भएका छन् भने बाढीले राजधानी काठमाडौं जोड्ने राष्ट्रिय तथा स्थानीय राजमार्गहरु अवरुद्ध पारेको छ ।
त्यस्तै , बाढीपहिरोले देशका विभिन्नमा रहेका थुप्रै जलविद्युत आयोजना क्षतिग्रस्त भएका छन्। हालसम्म प्राप्ति तथ्यांकअनुसार १६ वटा जलविद्युत आयोजनामा बाढीपहिरोले क्षति पुरा तथा आंशिक रुपमा क्षति पुर्याएको छ ।
यसले गर्दा १३०० मेगावाट जलविद्युत आयोजनाको उत्पादन बन्द भएको र विद्युत वितरण सहज बनाउन भारतबाट ३०० मेगावाट आयात गरिएको नेपाल विद्युत प्राधिकरणले जनाएको छ।
स्वतन्त्र ऊर्जा उत्पादक संस्था इप्पान नेपालका अनुसार बाढीका कारण क्षतिग्रस्त केहि जलविद्युत आयोजनाहरुको प्रारम्भिक विवरण :-
१. मान्डू हाइड्रोपावरद्वारा प्रवद्र्धित २२ मेगावाट क्षमताको बागमति साना जलविद्युत आयोजना, मकवानपुर (पावर हाउस पूणर्रुपमा डुबेको)
२. माउन्टेन हाइड्रो नेपालद्वारा प्रवर्द्धित २२.१ मेगावाट क्षमताको तल्लो हेवाखोला जलविद्युत आयोजना, पाँचथर (गत वर्षको बाढीबाट पनि प्रभावित, पावर हाउस डुबानमा परेको)
३. पाँचथर पावरद्वारा प्रवर्द्धित १४.९ मेगावाटको हेवाखोला जलविद्युत आयोजा, पाँचथर (गत वर्षको बाढीले क्षतिग्रस्त आयोजना पुनर्निर्माण सकेर सञ्चालनमा आउनै लाग्दा पुनः क्षतिग्रस्त)
४. साहस ऊर्जाद्वारा प्रवर्द्धित ८६ मेगावाटको सोलु दुधकोशी जलविद्युत आयोजना, सोलुखुम्बु (हेडवक्र्समा क्षति, उत्पादन बन्द)
५. सगरमाथा जलविद्युत कम्पनीद्वारा प्रवर्द्धित ३ मेगावाटको माइखोला क्यासकेड जलविद्युत आयोजना, इलाम (बाँध र टेलरेसमा क्षति, उत्पादन बन्द)
६. सगरमाथा जलविद्युत कम्पनीद्वारा प्रवर्द्धित ९.६ मेगावाटको माइखोला जलविद्युत आयोजना, इलाम (बाँध र प्रसारणलाइनमा क्षति)
७. फेमे खोला जलविद्युत आयोजना १ मेगावाट, पाँचथर, (बाँध र विद्युतगृह पूणर्रुपमा क्षति)
८. सिउरीखोला जलविद्युत आयोजना ५ मेगावाट, लमजुङ, (टेलरेस, इन्टेक र टनेलमा क्षति)
९० सुपरन्यादी जलविद्युत आयोजना, ४० मेगावाट, लामुजुङ, (पहुँचमार्गमा क्षति, प्रोटेक्सन वालमा क्षति)
१०. इलेप खोला तातोपानी जलविद्युत आयोजना, २५ मेगावाट, धादीङ, (पहुँचमार्गमा ठूलो क्षति)
११. माथिल्लो त्रिशूली १ जलविद्युत आयोजना २१६ मेगावाट, नुवाकोट, (क्याम्प हाउस, पहुँचमार्गमा क्षति र ३ वटा कन्टेनर बगाएको)
१२. हेवाखोला जलविद्युत आयोजना, १० मेगावाट, पाँचथर (क्रसर पुरिएको, पहुँचमार्गमा क्षति, प्रसारणलाइनको टावर ढलेको, पावर हाउसमा जडान गर्न ल्याइएका सामाग्री बगाएको)
१३. सभाखोला बी जलविद्युत आयोजना, १५.१ मेगावाट, पाँचथर (पहुँचमार्ग, पावरहाउस पुरिएको, बाँधमा क्षति र अस्थाई पुल बगाएको)
१४. सभाखोला सी जलविद्युत आयोजना, ६.३ मेगावाट, पाँचथर, (पहुँचमार्गमा क्षति)
१५. लान्द्रुक मोदी जलविद्युत आयोजना, ८६.५९ मेगावाट, कास्की, (पहुँचमार्गमा क्षति)
१६. सुपर त्रिशूली जलविद्युत आयोजना, १०० मेगावाट, नुवाकोट (२ वटा स्काभेटर बगाएको, २ वटा लोडर र ३ वटा ट्रिपर बगाएको, बेलीब्रिज बगाएको, पावर हाउस स्काभेसन पुरिएको)
जलविद्युत आयोजनामा सञ्चारसम्पर्क विच्छेद भएकाले सबै आयोजनाको विवरण प्राप्त हुन नसकेको इप्पानको भनाइ छ ।
The post बाढीपहिरोले देशका १६ जलविद्युत आयोजनामा क्षति; १३०० मेवा विद्युत उत्पादन बन्द first appeared on Khabar Breaking.
