काठमाडौं । शैक्षिक परामर्श प्रदान गर्ने संस्था प्रोफाइल इन्टरनेशनल ऐजुकेशन कन्सल्टेन्सीको ब्राण्ड एम्बसडरमा नवअभिनेत्री दिव्या रायमाझी नियुक्त भएकी छिन् । आइतबार ( १० चैत ) आयोजित समारोहबीच अभिनेत्री रायमाझीलाई संस्थाका प्रमुख नवराज प्रसाई र प्रबन्ध निर्देशक नितेश उप्रेतीले नियुक्ति पत्र प्रदान गरेका हुन् ।

कार्यक्रममा संस्थाका प्रमुख नवराज प्रसाईले उच्चशिक्षा हाँसिल गर्न चाहने विद्यार्थीहरुलाई शैक्षिक परामर्श दिँदै कन्सल्टेन्सी विगत ७ बर्षदेखी शैक्षिक बिधामा काम गर्दै आएको बताए । यसले अष्ट्रेलिया, क्यानडा, यूके, अमेरिका, डेनमार्क, न्यूजिल्याण्ड, फिनल्याण्डलगायत यूरोपका अन्य देशहरूमा उच्च शिक्षा हाँसिल गर्न चाहने बिद्यार्थीहरूलाई शैक्षिक परामर्श र भिषा सम्बन्धी काम गर्दै आइरहेको उनले जानकारी दिए ।

त्यस्तै नायिका दिव्याले ब्राण्ड एम्बसडरको रूपमा नियुक्त भएपछि आफू पुरानो र प्रतिष्ठित संस्थासँग जोडिन पाएकोमा खुशी ब्यक्त गरिन् । शैक्षिक बिधामा आफूले जानेको ज्ञान र अनुभब बिध्यार्थीहरूसँग र विद्यार्थीहरूसँग सहकार्य गर्ने रायमाझीले बताईन् ।

कार्यक्रममा संस्थाका प्रबन्ध निर्देशक नितेश उप्रेतीले युवा पुस्ताकी अभिनेत्री भएपछि संस्थाको गरिमा बढेको प्रसन्नता ब्यक्त गरे । दिब्या अभिनेता दिलिप रायमाझीकी छोरी हुन् । ऊनी केही अगाडि प्रर्दशनमा आएको चलचित्र ‘एक्टर टेक वान’बाट अभिनयमा प्रवेश गरेकी हुन् । दिब्या अभिनित अर्को फिल्म ‘पिताम्बर’ २९ चैतबाट प्रदर्शनमा आउँदैछ ।