प्रोग्रेसिभ इन्जिनियर्स एसोसिएसनमा डा.भेष राज थापाको अध्यक्षतामा नयाँ कार्यकारी समिति निर्वाचित
१३ चैत , ललितपुर । प्रोग्रेसिभ इन्जिनियर्स एसोसिएसनमा डा.भेष राज थापाको अध्यक्षतामा नयाँ कार्यकारी समितिको चयन भएको छ। एसोसिएसनको यही चैत १२ र १३ गते ललितपुरमा सम्पन्न १०औं महाधिवेशनबाट डा. थापाको नेतृत्वमा नयाँ कार्यसमितिको निर्विरोध निर्वाचन सम्पन्न भएको हो। महाधिवेशनको प्रधानमन्त्री एवं नेकपा एमालेका अध्यक्ष केपी शर्मा ओलीले मंगलबार समुद्घाटन गरेका थिए ।
नवनिर्वाचित सदस्यीय कार्यसमितिको उपाध्यक्ष देउकाजी गुरुङ ( खुला ) , उपाध्यक्षमा अन्जना भट्टराई ( महिला ) , महासचिवमा राजन थापा , उपमहासचिवमा ध्रुब भट्टराई , चार जना सचिवहरुमा प्रदीप नेपाल , बलराम पौडेल , हरि बराल स्वाभिमान आचार्य रहेका छन् । त्यससँगै , एसोसिएसनका लेखा आयोग , अनुशासन आयोग , निर्वाचन आयोग , अध्ययन तथा अनुसन्धान आयोगको पनि निर्वाचन सम्पन्न भएको छ।
निर्वाचित कार्यकारी समितिको आजै सपथग्रहण सम्पन्न भएको छ।
