प्रधानमन्त्री ओली र कांग्रेसका सभापति देउवाबीच सहकार्यलाई सुदृढ बनाउन भेटवार्ता
१४ वैशाख , काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ । बालुवाटारस्थित प्रधानमन्त्री निवासमा भएको भेटवार्तामा सत्ता सहकार्यलाई अझ प्रभावकारी र सुदृढ गर्ने विषयमा छलफल भएको उपप्रधानमन्त्री एवं अर्थमन्त्री विष्णुप्रसाद पौडेलले जानकारी दिएका छन् ।
शनिबार साझ ( १३ वैशाख ) समसामयिक राजनीतिक घटनाक्रमबारे छालफल हुनुका साथै विशेषगरी पछिल्लो पटक माओवादीका अध्यक्ष पुष्पकमल दाहाल लगायतले नेताहरूले सरकार परिवर्तनका बारेमा चलाएका हल्ला गलत र निराधार भएको नेताहरुले बताएको पनि उनले जानकारी दिए ।
उक्त अवसरमा उपप्रधानमन्त्री एवं अर्थमन्त्री पौडेल र गृहमन्त्री रमेश लेखक पनि सहभागी थिए ।
