२८ कार्तिक, काठमाडौं । प्रधानमन्त्री केपी शर्मा ओली आज जुम्ला जाँदैहुनुन्छ । कर्णाली स्वास्थ्य विज्ञान प्रतिष्ठान जुम्लाको प्रथम दीक्षान्त समारोहमा सहभागी हुन ओली जुम्ला जान लाग्नु भएको हो ।
प्रधानमन्त्री ओली आज बिहान ११ बजे जुम्ला प्रस्थान गर्ने प्रधानमन्त्रीको सचिवालयले जनाएको छ । दीक्षान्त समारोहमा जनस्वास्थ्य, नर्सिङ र चिकित्साशास्त्र विषयमा स्नातक र स्नातकोत्तर तहमा अध्ययन गरेका ५८ विद्यार्थीलाई दीक्षित गर्ने कार्यक्रम छ ।
दीक्षान्त समारोहमा प्रधानमन्त्री ओलीसहित स्वास्थ्य तथा जनसंख्या मन्त्री प्रदीप पौडेल, चिकित्सा शिक्षा आयोगका उपाध्यक्ष प्राध्यापक डा अञ्जनीकुमार झा, अमेरिकास्थित हार्डवेयर मेडिकल कलेज सेन्टर फर प्राइमरी केयर र सिस्टम स्ट्रेन्थेनिङका निर्देशक क्रिस्टिन मसेङ्गर पनि सहभागी हुने कार्यक्रम छ ।
The post प्रधानमन्त्री ओली आज जुम्ला जाँदै first appeared on Khabar Breaking.
