प्रधानमन्त्री ओलीले आज गर्ने भनेको सम्बोधन स्थगित
१२ वैशाख,काठमाण्डौ । प्रधानमन्त्री केपी शर्मा ओलीले सङ्घीय संसदको बजेट अधिवेशनको पहिलो बैठकमा सम्बोधन गर्ने कार्यक्रम स्थगित भएको छ ।
प्रमुख सचेतक महेश बर्तौलाका अनुसार आजको बैठकमा प्रमुख प्रतिपक्षी दलका नेता पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवा अनुपस्थित हुने भएपछि प्रधानमन्त्रीको सम्बोधन स्थगित भएको छ ।
प्रतिनिधिसभा र राष्ट्रियसभा दुवै सदनको पहिलो बैठक आज दिउँसो १ बजेका लागि बोलाइएको छ । प्रतिनिधिसभामा आज उपप्रधान एवम् अर्थमन्त्री विष्णु पौडेलले वैकल्पिक विकास वित्त परिचालन विधेयक २०८१ लाई प्रस्तुत गर्न अनुमति माग्ने र प्रस्तुत गर्ने कार्यसूची छ ।
