काठमाडौं । पञ्चशील बहुउद्देश्यीय सहकारी संस्था लिमिटेडले २४औं वार्षिक साधारणसभा सम्पन्न गर्दै देवेन्द्र प्रसाद श्रेष्ठको अध्यक्षतामा नयाँ संचालक समितिको चयन गरेको छ । ललितपुरको कुमारीपाटीमा मुख्य कार्यालय रहेको यस संस्थाले भदौ २२ गते ,शनिबार काठमाडौंमा साधारणसभा सम्पन्न गरेको हो।
साधारणसभामा उपनिर्वाचनबाट नवनिर्वाचित संचालक समितिको उपाध्यक्षमा अनिता सिद्धी बज्राचार्य , सचिवमा नारायण पौडेल , कोषाध्यक्षमा राम प्रसाद गिरि रहेका छन् । त्यस्तै सदस्यहरु जीवन देवी शाक्य , भोलानाथ ढुंगाना , र राजेन्द्र शाक्य रहेका छन् । संस्थाका तत्कालीन अध्यक्ष अशोक बज्राचार्यको गत फागुनमा भएको आकस्मिक निधनपछि देवेन्द्र प्रसाद श्रेष्ठले कार्यवाहक अध्यक्षको जिम्मेवारी वहन गरेका थिए।
सभाले संस्थाको आर्थिक वर्ष २०८०/८१ को वार्षिक प्रतिवेदन छलफल र सुझावसहित पारित गरेको छ। त्यस्तै , समीक्षा आ. व. को वासलात, लेखापरीक्षण प्रतिवेदन , नाफानोक्सान हिसाब , नगदप्रवाह विवरण लगायतका आर्थिक प्रतिवेदन समेत सभाबाट पारित भएका छन् ।
समिक्षा आर्थिक वर्षमा शेयर पूँजी रु. १८ करोड २८ लाख २७ सय रहेको यस संस्थाको कूल कारोबार २ अर्ब ७५ करोड ८२ लाख ५३ हजार ७ सय ६२ रुपैया रहेको छ। संस्थाको खुद नाफा रु. ३ करोड ७८ लाख ७९ हजार रहेको छ।
ललितपुरको कुमारीपाटीमा मुख्य कार्यालय रहेको यस सहकारीको काठमाडौंका सरस्वतीनगर, कोटेश्वर र न्युरोड ; ललितपुरको चापागाउँ र भक्तपुरको सूर्यविनायकमा सेवा केन्द्र रहेका छन् ।
The post पञ्चशील बहुउद्देश्यीय सहकारीमा देवेन्द्र श्रेष्ठको अध्यक्षतामा नयाँ संचालक समितिको चयन first appeared on Khabar Breaking.
