काठमाडौँ । बागबजारस्थित नेपाल सहकारी संस्था लिमिटेडले आफ्नो २९औं बार्षिक साधारणसभा सम्पन्न गरेको छ । सर्वोच्च अदालतका पूर्व न्यायाधीश एवं विश्व हिन्दु परिषदका अध्यक्ष पुरुषोत्तम भण्डारीको प्रमुख आतिथ्य तथा संस्थाका अध्यक्ष राकेशकुमार सिंहको सभापतित्वमा शनिबार (१५ मंसिर ) सम्पन्न साधारणसभाले संस्थाको वार्षिक प्रगति प्रतिवेदन पारित गरेको छ।
सभाले संस्थाको समीक्षा आर्थिक वर्ष २०८०/८१ को वासलात ,लेखा सुपरिवेक्षण प्रतिबेदन , नाफानोक्सान हिसाब , नगद प्रवाह विवरणका साथै आव २०८१/०८२ को सस्थाको नीति तथा कार्यक्रम सम्बन्ध, लेखापरीक्षक नियुक्ति निजको पारिश्रमिक तोक्ने सम्बन्ध, सस्थालाई अधिकार दिइनेलगायतका प्रस्तावहरु पनि पारित गरेको छ ।
समीक्षा आर्थिक वर्षमा संस्थाको शेयर पूँजी रु. ४ करोड ५३ लाख ६ हजार ९०० रुपैयाँको हुँदा निक्षेप २४ करोड ११ लाख २३ हजार ३७२ रुपैयाँ रहेको छ । त्यस्तै , कर्जा लगानी रु. २३ करोड ३९ लाख ८६ हजार ६०६ रुपैयाँ रहेको सो सहकारीले चालू आवमा ३५ करोड १९ लाख ७२ हजार ६७ रुपैयाँको कुल कारोबार गर्न सफल भएको छ ।
साधारणसभामा संस्थाका अध्यक्ष सिंहले ऋण लगानी र कर्जा असुली नीतिलाई सुदृढ र प्रभावकारी बनाउँदै संस्थाको आम्दानी वृद्धि र दिगो विकासमा ध्यान केन्द्रित गरेको बताएका थिए।
The post नेपाल सहकारी संस्था लिमिटेडले सम्पन्न गर्यो २९औं साधारणसभा first appeared on Khabar Breaking.
