२० माघ, काठमाडौं । नेपाल वैदेशिक रोजगार व्यवसायी एकता समाजको अध्यक्षमा पुनः हरिबहादुर पाण्डे क्षेत्री निर्वाचित भएका छन् । समाजको शुक्रबार सम्पन्न सातौं साधारणसभाले पाण्डेको अध्यक्षतामा नयाँ कार्यसमिति चयन गरेको हो ।

सो साधारणसभाले फ्युचर स्टार म्यानपावर प्रालिका सञ्चालक पाण्डे क्षेत्रीको अध्यक्षतामा पुनः नयाँ नेतृत्व चयन गरेको हो । समाजको उपाध्यक्षमा रोयल गण्डकी ओभरसिज प्रालिका सञ्चालक तारानाथ अर्याल, अल अमल ओभरसिज प्रालिका सञ्चालक खड्कबहादुर केसी, इक्वेडर इन्टरनेसनल प्रालिका सञ्चालक हरिश्चन्द्र कुँवर र रोयल इन्टरनेसनल प्रालिका सञ्चालक सुशील केसी निर्वाचित भएका छन् ।

महासचिवमा इम्प्लोइमेन्ट लिंक प्रालिका सञ्चालक मधुकर रिजाल, सचिवमा त्रिवेणी ओभरसिज प्रालिका सञ्चालक लक्ष्मण पौडेल र प्यासिफिक ह्युमन रिसोर्स प्रालिका सञ्चालक नरेश पुन निर्वाचित भएका छन् । समाजको कोषाध्यक्षमा ओपस ह्युमन रिसोर्स प्रालिका सञ्चालक यामबहादुर बीसी, सहकोषाध्यक्षमा मुस्कान ओभरसिज प्रालिका सञ्चालक शालिकराम गौतम निर्वाचित भएका छन् ।

यसैगरी, समाजको कार्यसमिति सदस्यहरूमा अलजाफर ओभरसिज प्रालिका सञ्चालक मोहम्मद जवारद्दिन मियाँ, शुभहारती म्यानपावर प्रालिका सञ्चालक विक्रम श्रेष्ठ, राज ग्रुप अफ कम्पनी प्रालिका सञ्चालक राजकाजी भलोन, शिवाकोटी म्यानपावर प्रालिका सञ्चालक भीष्म सिवाकोटी, गल्फस्टार म्यानपावर प्रालिका सञ्चालक दिनेशबहादुर पौडेल क्षेत्री निर्वाचित भएका छन् । समाजको विधानअनुसार अब नवनिर्वाचित अध्यक्षले कार्यसमितिमा थप दुई जना सदस्य मनोनयन गरी कुल कार्यसमितको संख्या १७ जना पु¥याउनेछन् ।

नवनिर्वाचित पदाधिकारी तथा सदस्यहरूलाई निर्वाचन समितिका संयोजक नेपाल वैदेशिक रोजगार व्यवसायी संघका पूर्वअध्यक्ष रोहन गुरुङले पद तथा गोपनीयताको शपथ खुवाएका थिए ।