१७ असार, काठमाडौं । नेपाल वायुसेवा निगमले ६६ औँ वार्षिकोत्सव मनाएको छ । उक्त अवसरमा निगमका कार्यकारी अध्यक्ष युवराज अधिकारीले आमन्त्रित सबैलाई स्वागत तथा धन्यवाद ज्ञापन गरे ।
उक्त कार्यक्रममा संस्कृति, पर्यटन तथा नागरिक उड्डयन मन्त्री हितबहादुर तामाङ सहभागी भएका थिए । उनले नेपाल वायुसेवा निगमको उत्तरोत्तर प्रगति तथा उन्नतिको कामनासहित हार्दिक शुभकामना दिँदै प्रभातफेरी कार्यक्रमको सुरुवात गरे । उक्त प्रभातफेरी निगमको प्रधान कार्यालय कान्तिपथबाट सुरु भई न्यूरोड, भोटाहिटी, भद्रकाली, शहिदगेट हुँदै निगमको प्राङ्गणमा आई टुङ्गिएको थियो ।
The post नेपाल वायुसेवा निगमले ६६ औँ वार्षिक उत्सव मनायो first appeared on Khabar Breaking.
