नेपाल राष्ट्र बैंकले आज बैंकिङ प्रणालीबाट ६० अर्ब रुपैयाँ खिच्दै
६ माघ, काठमाडौं । नेपाल राष्ट्र बैंकले आज आइतबार बैंकिङ प्रणालीबाट ६० अर्ब रुपैयाँ खिच्ने निर्णय गरेको छ। बजारमा अत्यधिक तरलता भएको कारण यस रकमलाई उठाउने प्रक्रिया आज दिउँसो २ बजेबाट शुरू हुनेछ।
राष्ट्रि बैंकले यसका लागि बोलकबोल प्रणाली प्रयोग गरिने जनाएको छ ,जसमा २१ दिनको अवधि तय गरिएको छ। बोलकबोलमा न्यूनतम १० करोड रुपैयाँ र अधिकतम ५ करोड रुपैयाँका अंशहरूसम्म बोलकबोल गर्न सकिने छ। त्यस्तै ,सावाँ र ब्याज भुक्तानी माघ २७ गते तोकिएको छ र यसको ब्याजदर पनि बोलकबोलको माध्यमबाट तय गरिनेछ।
यस प्रक्रिया मार्फत सहभागी हुन चाहने बैंक र वित्तीय संस्थाले “क”,“ख” र “ग” वर्गका इजाजतपत्र प्राप्त संस्थाहरू मात्र सहभागी गर्न सक्नेछन्। यो निक्षेप संकलनको बोलकबोलमा सहभागी संस्थाले आफ्नो चाहिएको रकम र ब्याजदर (दशमलवको चार अंशसम्म) स्पष्ट रूपमा उल्लेख गर्नुपर्ने छ। राष्ट्र बैंकका अनुसार बोलकबोलमा आव्हान गरिएको रकम बाँडफाँट गर्दा सबैभन्दा कम ब्याजदरलाई प्राथमिकता दिइनेछ।