नेपाल भ्यालुयर्स एशोसिएशनको छैठौं अधिवेशन आज

४ असोज , काठमाडौं । नेपाल भ्यालुयर्स एशोसिएशनको छैठौं अधिवेशन आज शुक्रबार सम्पन्न हुँदैछ। एशोसिएशनका अध्यक्ष ई. ऋषि कोइरालाको सभापतित्व र संस्थापक अध्यक्ष ई. वसन्त रमण रजौरियाको प्रमुख आतिथ्यमा मूलपानी , काठमाडौंमा अधिवेशनको समुद्घाटन भएको छ।

अधिवेशनले संस्थाको पाचौं कार्यसमितिका प्रस्तावहरु तथा आर्थिक प्रतिवेदन छलफल र सुझावसहित पारित गर्ने कार्यक्रम रहेको छ।

त्यस्तै अधिवेशनले संस्थाको छैठौं कार्यसमितिको पनि चयन गर्नेछ। उद्घाटन सत्रमा मन्तव्य राख्दै संस्थाका सबै प्रदेशका अध्यक्ष तथा प्रतिनिधिहरुले सहमतिमा नै अध्यक्ष सहितका कार्यसमितिको चयन हुनुपर्नेमा जोड दिए। संस्थामा राजनीतिक आस्था र गुटको आधारमा नभई पेशागत एकता कायम हुनुपर्नेमा उनिहरुको जोड रहेको छ।

कार्यक्रममा अध्यक्ष कोइरालाले संस्थाको सुदृढीकरण र चुस्त कार्यसम्पादनको लागि सातै प्रदेशमा केन्द्रको तर्फबाट संयोजक तोकी जिम्मेवारीसहित समिति गठन गरिएको बताए । यसैगरी , विभिन्न उपसमितिहरु गठन गरी संस्थाको काम प्रभावकारी गरिएको, प्रदेश कमिटी अन्तर्गत च्याप्टर गठन गर्ने र पुनः च्याप्टर अन्तर्गत जिल्ला इकाई गठन गर्दै जाने योजना लिइएको उनले जानकारी गराए।

त्यस्तै , NVA का विभिन्न सदस्यहरुलाई बैंकको कालोसूचीबाट हटाउन भुमिका खेलेको , प्रदेश तथा च्याप्टर कार्यविधि – २०८० तयार गरी कार्यान्वयनमा ल्याइएको अध्यक्ष कोइरालाले बताए ।

The post नेपाल भ्यालुयर्स एशोसिएशनको छैठौं अधिवेशन आज first appeared on Khabar Breaking.