९ बैशाख, काठमाडौँ । नेपाल जग्गा तथा आवास विकास महासंघले आफ्नो तेस्रो स्थापना दिवस भव्यरुपमा मनाएको छ । रियल इस्टेट व्यवसायीहरुको साझा छाता संगठनको रुपमा स्थापित महासंघले स्थापनाको तेस्रो दिवस भव्यरुपमा राजधानीमा मनाएको हो ।

२०७९साल बैशाख ९ गते स्थापित यस महासंघको तेस्रो स्थापना दिवसको उद्घाटन भूमि व्यवस्था, सहकारी तथा गरिबी निवारण मन्त्री बलराम अधिकारीले गर्नु भएको हो । मन्त्री अधिकारीको प्रमुख आतिथ्यमा छाँया सेन्टर ठमेलको एलफ्ट होटलमा उक्त कार्यक्रम सम्पन्न भएको हो ।

अध्यक्ष विष्णु प्रसाद घिमिरेको अध्यक्षतामा सम्पन्न सो कार्यक्रममा सहभागी अतिथिहरूले महासंघको उत्तरोत्तर प्रगतिको कामना गर्दै जग्गा व्यवसायमा देखिएका समस्याको समाधानका विषयमा धारणा राख्नु भएको थियो । मन्त्री अधिकारीले समस्याको समाधानबारे आफूले सक्ने प्रयास गर्ने विश्वास दिलाउनु भएको थियो । कार्यक्रमको उद्घाटन भूमि व्यवस्था, सहकारी तथा गरिबी निवारण मन्त्री बलराम अधिकारीले गर्नु भएको थियो। कार्यक्रममा मन्त्री अधिकारी प्रमुख अतिथिको रूपमा सहभागी हुनुका साथै, रियल इस्टेट क्षेत्रसँग सम्बन्धित समस्या समाधानमा सरकारको सक्दो प्रयास हुने विश्वास दिलाउनुभयो।

उक्त कार्यक्रममा विभिन्न संघसंस्थाका प्रतिनिधिहरू, व्यवसायी, सरोकारवाला निकायका व्यक्तिहरूको उपस्थिति रहेको थियो। सहभागी अतिथिहरूले महासंघको विगतको यात्रा र आगामी दिनमा यसले खेल्ने भूमिकाबारे सकारात्मक धारणा राख्दै उत्तरोत्तर प्रगतिका शुभकामना व्यक्त गर्नु भयो ।

अध्यक्ष घिमिरेले स्थापना कालदेखि नै महासंघले नेपालको रियल इस्टेट क्षेत्रलाई व्यवस्थित, सुरक्षित र समावेशी बनाउने प्रयासमा प्रतिबद्ध भएर काम गरिरहेको उल्लेख गर्दै सबै व्यवसायीहरूको साझा मञ्चका रूपमा महासंघको भूमिका अझ प्रभावकारी बनाउने लक्ष्य रहेको बताउनु भयो ।

कार्यक्रममा जग्गा तथा आवास क्षेत्रसँग सम्बन्धित चुनौती, नीति सुधार, सरकारी सहकार्य तथा व्यवसायीहरूको हित संरक्षणजस्ता विषयमा छलफल पनि गरिएको थियो।