११ भदौ, काठमाडौं । संघीय संसद्अन्तर्गत आज तीनवटा संसदीय समितिको बैठक बस्दैछ । सार्वजनिक नीति तथा प्रत्यायोजित विधायन, विकास, आर्थिक मामिला तथा सुशासन र संघीयता सबलीकरण तथा राष्ट्रिय सरोकार समितिको बैठक आज बस्न लागेको हो ।
सार्वजनिक नीति तथा प्रत्यायोजित विधायन र संघीयता सबलीकरण समितिको पाँचौ वार्षिक प्रतिवेदन सम्बन्धमा छलफल हुनेछ । बैठक ११ बजेकै लागि बोलाइएको छ ।
विकास, आर्थिक मामिला तथा सुशासन समिति बैठक बिहान ११ बजे बस्दैछ । बैठकमा नेपाल अतिकम विकसित मुलुकबाट विकासशील राष्ट्रमा स्तरोन्नति हुने सम्बन्धमा स्तरोन्नतिले नेपाललाई पार्ने प्रभाव, असर, चुनौती प्राप्त हुने अवसर एवं यस सम्बन्धमा नेपाल सरकारबाट भएका कामकारवाही र प्रगतिको अवस्था बारेमा छलफल हुने कार्यसूची छ ।
विश्व सम्पदा सूचीमा सुचिकृत बौद्धनाथ क्षेत्र, बौद्ध मेलम्ची घ्याङ्ग गुठीको जग्गा जमिनको अवस्था, समस्या र चुनौती, बौद्धनाथ क्षेत्रको पुजारी नियुक्ति, आय आर्जन र भेटी व्यवस्थापनलगायतका विषयमा छलफल गर्न संघीयता सबलीकरण तथा राष्ट्रिय सरोकार समिति बैठक बस्दैछ ।
The post तीनवटा संसदीय समितिको बैठक बस्दै first appeared on Khabar Breaking.
