गायक प्रकाश तिमिल्सिनाको निधन

२७ साउन, काठमाडौँ। गायक प्रकाश तिमिल्सिनाको निधन भएको छ। उहाँ शनिवार साँझ भैँसेपाटी स्थित डेरामा अचेत अवस्थामा फेला पर्नु भएको थियो । परिवारका सदस्यहरूले उहाँलाई तत्काल पाटन अस्पताल पुर्‍याउनु भएको थियो । तर चिकित्सकले उहाँलाई मृत घोषित गरे ।

तिमिल्सीनाको शव आइतबार बिहान ८ बजे सङ्गीत तथा नाट्य प्रज्ञाप्रतिष्ठान नक्साल भगवती बहालमा अन्तिम श्रृद्धान्जलीका लागि राखिने संगीकार चेतन सापकोटाले जानकारी दिनु भयो । तिमिल्सिनाको अन्तिम संस्कार आइतबार पशुपति आर्यघाटमा गरिने बताइएको छ।

The post गायक प्रकाश तिमिल्सिनाको निधन first appeared on Khabar Breaking.