खानेपानी तथा सरसफाइ संस्थाको सचिव पदका लागि उम्मेदवार राम प्रसाद भुसाल को हुन ?
राम प्रसाद बन्जाडे । संवाददाता लुम्बिनी प्रदेश ।
१७ फागुन, बुटवल। समाजमा असल नेतृत्व, इमान्दारिता र सेवाभाव भएका व्यक्तिहरूको आवश्यकता सधैं रहन्छ। त्यस्ता व्यक्तिहरू नै समाजको समृद्धि, विकास र सेवा प्रवाहलाई प्रभावकारी बनाउन महत्वपूर्ण भूमिका खेल्छन्। समाजसेवा, शिक्षा, व्यापार, तथा संकटग्रस्त अवस्थामा निरन्तर सहयोग पुर्याउँदै आएका रामप्रसाद भुसाल यस्ता व्यक्तित्वमध्ये एक हुनुहुन्छ।
भुमिकास्थान नगरपालिका–३, धारापानीको बादखर्कमा जन्मिनुभएका भुसाल हाल बुटवल उपमहानगरपालिकामा बसोबास गर्दै आउनुभएको छ। जीवनको विभिन्न मोडमा स्वयम् पीडित भईकन पनि उहाँले कहिल्यै समाजसेवाबाट आफूलाई अलग राख्नुभएन। चाहे आगलागी पीडितहरूको राहत होस्, कोभिड-१९ को महामारीमा नागरिकहरूको सहयोग होस्, वा शिक्षा र व्यवसाय क्षेत्रमा योगदान होस्—उहाँ सधैं अग्रपंक्तिमा उभिनुभएको छ।
सहयोगी भावना, नेतृत्व क्षमता र समाज सेवामा निरन्तर समर्पणका कारण उहाँलाई बुटवल नयाँगाउँ खानेपानी तथा सरसफाइ संस्थाको सचिव पदमा विजयी गराउने लक्ष्यका साथ यो अपिल गरिएको छ। समाजका लागि उल्लेखनीय योगदान पु¥याएका उहाँको सेवाभावको सम्मान गर्दै, आगामी निर्वाचनमा उहाँलाई सचिव पदमा निर्वाचित गराउन सम्पूर्ण नगरवासीहरूलाई अनुरोध गरिन्छ।
रामप्रसाद भुसालको उल्लेखनीय योगदानहरू
1. शिक्षा क्षेत्रमा सहयोग
• २०७३ कार्तिक १३ गते, स्व. बुवा टिकाराम भुसाल र स्व. आमा धनकला भुसालको सम्झनामा श्री अन्नपूर्ण मावि, रातामाटालाई रु. ५,०१,१५१ आर्थिक सहयोग।
• विद्यालयको पुरस्कार वितरण समारोहमा सक्रिय सहभागिता।
2. आगलागी पीडितहरूलाई सहयोग
• स्वयं आगलागी पीडित भई पीडितहरूको दुख बुझेर पुनः राहतका लागि पहल।
• पीडितहरूलाई आर्थिक तथा भौतिक सहायता प्रदान गर्दै निरन्तर सहयोग।
3. कोभिड-१९ महामारीमा महत्वपूर्ण योगदान
• महामारीको समयमा बुटवल-१३ बेलबासमा रहेको आफ्नो घर र बगैंचा राज्यलाई आवश्यक परेमा निःशुल्क उपलब्ध गराउने घोषणा।
• संकटमा परेका नेपाली नागरिकहरूलाई खाद्यान्न, आवास तथा अन्य आवश्यक सहयोग।
4. व्यवसायिक नेतृत्व र सामाजिक सेवा
• पुस्तक तथा स्टेशनरी व्यवसायी महासंघ, बुटवल उपमहानगर कमिटीका अध्यक्ष।
• शिक्षा र व्यापार क्षेत्रमा नीति निर्माण तथा व्यवसायीहरूको हकहितको लागि सक्रिय भूमिका।
5. गाउँदेखि सहरसम्म निरन्तर समाजसेवा
• गाउँमा जन्मे-हुर्केका भुसालले गाउँबासीहरूका लागि रातदिन खटिने प्रतिबद्धता।
• व्यक्तिगत तथा सामुदायिक सहयोगद्वारा समाजको उन्नतिमा निरन्तर योगदान।
समर्पण, इमान्दारी र सेवाभावका प्रतीक – रामप्रसाद भुसाल
गाउँदेखि सहरसम्म समाजको सेवा गर्दै आउनुभएका रामप्रसाद भुसाल २०८१ फागुन २४ गते हुने बुटवल नयाँगाउँ खानेपानी तथा सरसफाइ संस्थाको निर्वाचनमा सचिव पदका लागि उम्ममेदवार हुनुहुन्छ।
गाउँलेहरूले पहिल्यै देखिसके – भुसालको मन ठूलो छ!
सहरबासीलाई काम गरेर देखाउने – रामप्रसादको मन विशाल छ!
