२५ साउन,काठमाडौँ । नेपाल विद्युत प्राधिकरणका कार्यकारी निर्देशक कुलमान घिसिङले आज शुक्रबार पत्रकार सम्मेलन गर्न लागेका छन् । उनले आफ्नो कार्यकाल तीन वर्ष पूरा भएको अवसरमा पत्रकार सम्मेलन गर्न लागेका हुन् । पत्रकार सम्मेलन दिउँसो साढे १ बजे प्राधिकरणमै हुदै छ । उनले पत्रकार सम्मेलनमा डेडिकेटेड र ट्रंकलाइनको महसुलबारे देखिएको विवादका साथै अन्य समसामयिक विषयमा मुख खोल्ने बताइएको छ ।
लेखा समितिले मागेको आधारमा बिहीबारमात्रै प्राधिकरणले डेडिकेटेड तथा ट्रंकलाइन प्रयोग गरेका उद्योगहरूको टीओडी मिटरको डेटा समेटिएको करिब ५० हजार पेजको विवरण बुझाएको थियो । लेखा समितिले उद्योगले बिजुली प्रयोग गरेको प्रमाण मागेपछि प्राधिकरणले बिहीबार टीओडी डाटासहितको विवरण उपलब्ध गराएको हो ।
The post कुलमान घिसिङले आज पत्रकार सम्मेलन गर्दै first appeared on Khabar Breaking.
