एमाले र काङ्ग्रेसका नेता–कार्यकर्ता माओवादी केन्द्रमा प्रवेश
२४ फागुन, रौतहट । रौतहटमा विभिन्न पार्टी परित्याग गरी कम्तीमा ३०० जना नेता–कार्यकर्ता नेकपा माओवादी केन्द्रमा प्रवेश गरेका छन् । गडीमाई नगरपालिका–९ मलाहीटोलमा आयोजित कार्यक्रममा उनीहरू पार्टी प्रवेश गरेको माओवादी केन्द्रले जनाएको छ । नवप्रवेशीहरूलाई अध्यक्ष पुष्पकमल दाहाल प्रचण्डले पार्टीमा स्वागत गरेका थिए ।
नेकपा एमाले चन्द्रपुर नगर उपाध्यक्ष एवं तामाङ लोकतान्त्रिक मोर्चाका जिल्ला अध्यक्ष लालबहादुर दोङ, आजपा केन्द्रीय सदस्य अरुण पासवान, नेपाली काङ्ग्रेसका बली सहनीको नेतृत्वमा उनीहरू माओवादी केन्द्र प्रवेश गरेका हुन् ।
