🎄 Holiday Season Special
एमालेले छान्यो राष्ट्रियसभाका ६ उम्मेदवार
२३ पुष, काठमाडौं । नेकपा एमालेले राष्ट्रियसभाका लागि ६ जना उम्मेदवार छानेको छ । पार्टी अध्यक्ष केपी शर्मा ओलीको एकल सिफारिसमा ६ उम्मेदवारको टुङ्गो लागेको हो ।
ओलीले रोशनी मेचे, प्रेम दंगाल, सम्झना देवकोटा, रामकुमारी झाँक्री, मिना रखाल र लीला भण्डारीलाई राष्ट्रियसभाको उम्मेदवार बनाएका हुन् ।
राष्ट्रियसभा निर्वाचनका लागि कांग्रेस र एमालेले ७–७ सिट, नेकपाले ३ सिट र जसपा नेपालले १ सिट लिने गरी दलहरुबीच सहमति बनेको छ । तर एमालेले ६ उम्मेदवार छाने पनि एक उम्मेदवार छान्न बाँकी छ ।
राष्ट्रियसभा सदस्य निर्वाचनका लागि बुधबामर देशभर उम्मेदवारहरूको मनोनयन दर्ता हुँदैछ । मनोनयन पत्र दर्ता बुधबार बिहान १० बजेदेखि दिउँसो ३ बजेसम्म हुनेछ । राष्ट्रियसभा सदस्य निर्वाचन माघ ११ गते हुँदैछ ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
